中年好聲音2丨古淖文大爆媽咪開始移情別戀 譚輝智唔認師奶殺手：個個都咁後生
《中年好聲音2》今晚將會舉行「八強」爭奪戰，不少觀眾都期待今晚的節目。節目的最後十強陳俞霏、古淖文、黃劍文、劉威煌、沈宗賢、安雅希、顏米羔、林若盈、譚輝智和陳蒨葶今日獲商場邀請出席公開活動，吸引大批粉絲到場支持，當中以劉威煌的粉絲最多，而譚輝智的家人都有拉大隊力撐，場面熱鬧。
同場加映：Gi-Force演唱會補場｜炎明熹大學成績表比預期中理想 投入工作未Feel到有追求者
暫時排名最高分的古淖文接受本網訪問時表示仍然有兩個回合，存在一定的變數，不敢稱「穩入」決賽，他說：「大家都好努力去表現自己，每次都有進步，良性競爭係好事。（好多評判讚！）好開心，跟谷婭溦上堂學唱歌之後，得到評判、觀眾同網民認同，對我嚟講好似打咗支強心針咁，越唱越有自信。」他承認以前接騷比較多，評判所形容的「撈味」不太適合出現在比賽當中，他感激評判們的意見，讓他可以逐漸進步。
提到決賽在即，一向住澳門的古淖文經常來回兩地，但父母有一定年紀，淖文怕父母太頻撲，加上他要唱歌未能貼身照顧，所以希望兩老留在澳門睇電視比賽就好。提到媽媽，古淖文大爆媽媽開始移情別戀，「真係頭痕呀，佢日日都聽譚輝智《歸來吧》，媽咪喺屋企洗碗又聽、熨衫又聽、煮飯又聽，我真係想打爆佢部iPad。（佢唔愛你喇？）好彩我仲有首《Desperado》，佢都有聽，不過我都係排第二，佢最鍾意都係輝智，所以輝智一於拎冠軍啦！」古淖文透露目前仍然港澳兩邊走，視乎比賽後的發展，再考慮會否將重心搬來香港。
譚輝智和顏米羔一齊受訪，輝智因病發燒失聲，未能開金口獻唱，勞煩好兄弟劉威煌頂上，他表示：「感冒未好，今朝直情開唔到聲，而家有番少少聲，唔唱啦，怕香港市民會掉我雞蛋，但慢慢康復中，希望決賽日之前可以康復。（要準備快歌跳舞？）係好大問題，但都要面對嘅，盡量去練，信心唔敢講，唔出醜就已經OK，我個要求Set到好低。」對於被封「師奶殺手」，輝智笑言：「個名邊個畀我呀？我唔覺喎，在場個個都好後生，咁後生竟然話佢係師奶？真係估唔到咁多人支持，感覺好奇妙。」他表示完成比賽後再考慮未來路向。
顏米羔昨晚在海上舉行生日派對，近180人參與，當中包括家人、朋友及粉絲，令他非常感動。生日願望是否得冠軍？他說：「我唔諗呢啲嘢，不過就論唱歌而言就希望可以有自己歌曲。（『輕鬆啲』兄弟爭獎傷和氣？）唔會，大家互相支持唔係爭。」他認為自己是攝影師和導演，照片或影像作品能夠傳達訊息，所以他期待有自己的歌曲，去感染到其他人。至於「輕鬆啲」中曾揚言會直播沖涼，顏米羔稱一定會找數，但今晚天氣太凍怕冷親，再擇日給粉絲們驚喜。
撰文：娛樂組
港生活人氣娛樂新聞
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
