愛回家丨油王搵恩人玩盡劉鑾雄「膠面論」 三太硬食死貓 大小姐靠吊眉變膠似足...
去年11月，富商劉鑾雄（大劉）召開記者會談論自己身家分配等話題，期間被問到是否仍然追看《愛回家之開心速遞》，大劉表示時不時會看，當時他說：「我見到有個角色，唔開名，硬膠到、肌肉實到唔識郁，你哋去睇邊個最似啦！男就好少咁硬膠，多數女啦，但人哋真係為咗搵食。」事後網友們議論紛紛，認為最大嫌疑人是「三太」樊亦敏、「素素」古佩玲及「Candy」葉蒨文。
同場加映：孔德賢望年輕演員多磨練多進步 「作品唔可以抹走過去但睇到努力」
昨晚一集「誰是膠面人？」正正擺明回應大劉的「膠面論」。劇情指富豪油王（古天祥飾）在意外中暈倒，卻迷糊中發現接龍集團的一位「膠面人」救了他，他努力尋找這位救命恩人，不過油王講到明係又硬又「膠」，大家都一直沒有人敢認。大小姐（林淑敏飾）為了傾得成油王的生意，不惜大灑金錢找出這位「膠面人」，熊若水（呂慧儀飾）、Ma姐（何芷珊飾）、Cammy（鍾晴飾）、群姐（許思敏飾），甚至不屬於接龍集團的Candy（葉蒨文飾）及素素（古佩玲飾）都拉入幫手「認頭」。
最終「膠面人」不是古佩玲、不是葉蒨文亦不是樊亦敏，原來只是初戀Cafe的新豪仔機械人，雖然大家空歡喜一場，不過一眾女職員為了成為「膠面人」而獲得獎金不惜一切，非常搞笑。連大小姐都利用蠟像的技術變「膠」，事實上拍攝這一場原來林淑敏化妝都需要特定的技巧。
林淑敏在IG分享拍攝當日的化妝片，她留言說：「點可以令塊面firm啲，可以好似髮型師用大戲『吊眉』嘅技巧，將對眼戚上去，膠面就咁發生。」不少網友大讚今集非常搞笑，連劇中「阿仔」Philip都留言說：「硬膠人」，而網友更笑指「硬膠」版林淑敏，有邵音音和黃夏蕙的影子，相當有趣。
撰文：娛樂組
港生活人氣娛樂新聞
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
