居屋比私樓更大更實用？但居屋鄰居質素參差？ 網民熱議：500萬預算揀舊私樓定居屋好？
喺香港樓價極高嘅情況下，就算有500萬可用作於買樓，相信當中選擇亦不多，而最近就有網民喺連登討論區上發文，問到自己喺得500萬左右嘅預算底下，若想置業應該選擇舊私樓定係舊居屋會比較好，而呢個問題就引起一眾網民熱烈討論，紛紛對應該揀舊私樓定居屋好提出唔同嘅睇法！
居屋其實同公屋冇分別？舊居屋質素更勝新居屋？
樓主表示自己預算有限，想買500萬以下嘅單位，但又唔想住位於新界嘅偏遠地區，所以就只有樓齡過30年嘅舊私樓以及舊居屋可供選擇，樓主認為喺同一價錢下，買居屋能有更大嘅單位面積，會住得比較舒服，而買私樓則較保值，但亦擔心樓齡過大會影響升幅，因而就問一眾網民邊一個選擇會比較好。對於樓主嘅情況，有網民就認為居屋住戶整體質素參差，建議買樓一定係要揀私樓：「有得買私樓一定係私樓，居屋啲人真係好Xcheap同濕x，奇奇怪怪無禮貌，私樓唔係無怪人，但真係少好多」、「居屋人多啲，得罪講句，無家教嘅人比例都多啲，為咗自己精神健康著想，有錢一定要住私樓，但最好盡量唔好揀啲多鄰國人住嘅屋苑」
有網民甚至認為居屋根本上同公屋並無分別：「覺得居屋格局/鄰居/保安同公屋無分別，35年私樓可以搏下重建賠錢」、「硬件上真係同一樣野(嘢)黎(嚟)，鄰居就好多都係拎住綠表好平買番(返)黎(嚟)既(嘅)原公屋戶」、「我自己冇住過30年以上既(嘅)舊私樓唔太清楚，30年以下果(嗰)啲好多都屋苑式，有私家閘口有clubhouse，住過就知真係同居屋兩回事黎(嚟)，居屋得罪講其實同公屋真係冇乜分別」，但亦有網民反駁表示其實公屋同居屋於居民質素上有明顯分別：「同公屋都係差好遠囉，(公)屋真係幢幢樓都有南亞白卡咁制(滯)，淨係呢樣都差好遠，鄰居質素住過就明，住過唔會想住返公屋」、「真係唔覺，好過公屋10萬倍，反而你私樓都唔一定係有家教，我覺得差唔遠，你話豪宅就另計，啲舊私樓同居屋都差唔多」、「其實係好好多，點會同公屋冇分別，啲人突(特)登踩居屋姐(啫)，住過就知唔同啦，唔好玩」
另外有網民就指出由香港房屋協會或私人發展商參建的舊有居屋質素會比新建的更好，建議若買居屋的話，選擇舊居屋會較好：「新居屋唔知，可能已經多新港人，但我住房委舊居，完全唔覺有廢人，同我住舊私樓體驗差唔多，完全唔覺啲人衰，又冇白卡」、「一啲啲啦，新果(嗰)啲硬件上真係同公屋一樣，都係果(嗰)堆組件砌出黎(嚟)，最多話鄰居少啲綜援白卡佬，舊果(嗰)啲反而ok啲，以前房協居屋係有質素既(嘅)，有啲仲有私人發展商參建」、「買居屋最好買房協居屋，因為真係靚好多，而且有好多仲有clubhouse」、「如果係買居屋都要買私人參建個啲，房委起個啲」
有網民認為居屋在鄰居質素、設施、單位格局等方面都與公屋無太大分別，買樓應該選擇買私樓。
有網民則指出由香港房屋協會或私人發展商參建的舊居屋質素更勝近年新建的居屋，有些舊居屋甚至連會所亦有。
居屋單位比私樓更實用？同一價錢買居屋有更大面積？
意見亦非完全一面倒，亦有網民建議樓主買居屋，原因為在同一價錢下，居屋面積更大更實用：「如果你當有個竇就得，唔使要會所，唔要貴管理費，亦唔係要成日招呼眼角高嘅親戚朋友，我覺得舊居屋唔係差嘅選擇；因為同區比較有機會比舊私樓同budget買大1.3-1.4倍」、「居屋冇乜柱實用好多，差唔多尺數一定居屋」，更有網民向樓主推介樂富以及青衣的居屋：「可以睇樂富居屋，好好住，有5M補地價，400呎」、「我有去睇過青衣個(嗰)堆居屋，位置幾好，好近地鐵站，有條東涌綫都好方便」，亦有網民指出其實現時居屋同私樓價錢相差不多，若合符綠表或白居二資格就應選擇買居屋：「你有綠表/居2資格就居屋，白表價好多都同私樓差無幾，但居屋始終係居屋，級數一定差啲」
另外有網民則認為揀居屋定私樓其實要因應每個人各自對住屋的不同要求，並不能一概而論：「睇你自己睇重啲咩，同埋接受到既(嘅)下限又係咩，始終你冇一個具體例子講咩屋苑，其實好難討論，例如200呎私樓定300呎居屋，咁緊(梗)係居屋啦，200呎點住人，但如果400呎私樓定500呎居屋又另一回事」、「冇地點好難比較，如果同地點，空間優先就一定係居屋，保安同鄰居就私樓」、「當年同你面對一樣問題，最後我揀左(咗)已補居屋，其實真係睇你個人需要，如果好肯定自己唔生，我自己就prefer私樓，搵d(啲)300呎樓下，同埋盡量樓齡低d(啲)。但如果自己都想生bb，空間一定大於一切」
有網民認為對比於買私樓，買舊居屋可以同一價錢換來更實用以及面積更大的單位。
亦有網民指出選擇居屋或是私樓應根據更多不同的個人需要，兩者之間都各有優劣。
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
