【張敬軒演唱會2020】軒仔公開遮遮由來因一個理由聘用她 早餐系列意外爆紅盼為大家帶來歡樂
歌手張敬軒現正於館舉行一連八場《張敬軒X香港中樂團盛樂》演唱會，近日軒仔幾乎日日在IG分享工人姐姐所煮的「暗黑早餐」，怎料這個「遮遮早餐」系列大受網友歡迎，大家熱烈追post，想知「遮遮」今日又會煮出甚麼驚喜，軒仔於個唱第二場再次提起「遮遮」，隨即引起觀眾一片歡呼聲，他無奈嘆謂：「你話唱得咁辛苦為乜，遮遮重多掌聲過我。」他更首次談到這位「遮遮」的由來。
昨晚是軒仔個唱第二場，於第四部份，他換了一件黑色西裝，前後都是喱士設計，隱若透視軒仔的美背，他笑言：「呢一個咁嘅背脊，一粒瘡都冇 ，就係日日食白粥同麵包食返來！我直情開始食到有d 妊娠紋添！」觀眾的掌聲和笑聲始起彼落，軒仔無奈說：「你話唱得咁辛苦為乜，遮遮重多掌聲過我。」
軒仔近日經常在IG分享家中「遮遮」所煮的「暗黑早餐」，吸引網友日日追post，更意外捧紅了「遮遮」，雖然網友百思不得其解為何軒仔會聘請這位「遮遮」，但昨晚軒仔趁機會首次公開聘請這位「遮遮」的原因。
原來這位「遮遮」是軒仔為父母而請的，因為她曾經在台灣工作近20年，懂得說80%國語，軒仔的父母半點英文都不懂，他希望請這位「遮遮」照顧來港生活的父母：「我爸爸媽媽都唔識講英文，同事叫Vincent，佢哋就叫人『瘟神』，所以諗住請個識國語姐姐照顧，可惜因為疫情關係，父母來港計劃一再拖延，我哋已經十一個月冇見面，只能通過視像傾電話。」
軒仔感慨表示這一年經歷許多考驗，除了疫情，他的家中經歷了3位親人離世，而他的狗仔又確診「漸凍症」，令軒仔感悟幸福不是必然，但他說：「我覺得就算經歷咁多唔開心，做人都唔可以一直比情緒干擾自己，唔可以每日將開眼睛，只係帶住傷痛，所以我開始把每日早餐post上網。開始時無特別意思，只係分享下比大家知，所謂一個知名歌手嘅早餐，分分鐘唔夠你個早餐好。」
「但係後來好多朋友留言，今日做嘢不開心，睇完我個post好咗好多，生活就係咁樣，當命運、時勢不夠好，就要自己搵一些快樂，搵一些滿足感比自己，慢慢你就會發現身邊其實擁有好多愛，同時你亦可以令身邊人感受到愛，咁樣我地先可以為社會帶來改變。你哋多謝我啲早餐post，我反而好榮幸可以通過我的不幸為大家帶來咁多娛樂。只要大家開心，我就開心啦。」語畢獲得全場掌聲。
來源：張敬軒IG、英皇娛樂提供
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
