你們必定是錯，因為你的年輕就是錯
文：吹水皇的後花園
曾經看過一段影片講述兒童心理，大致上是指出某種卡通片儘管最後意思是表揚善良，小朋友亦可能因為智力未足而會接受到另一種所謂「不良訊息」。
所謂「不良訊息」就是可能兒童會排斥其他小朋友，小圈子等等。
我和大部份的人，包括我所接觸到的家長，都有著同一個第一印象－就是這種影片應該受到管制。直到我跟朋友富爸爸討論起有關問題，他的反應卻是令我恍然大悟。
富爸爸想的和我不一樣。
「你都會發脾氣都會嬲，會喊，會有情緒會有唔鍾意既人，點解小朋友唔可以？」
「唔係嘛？咁小朋友係咪應該學習Ｄ正面既野先呢？」我反問。
「你又係人，佢又係人，雖然佢地細個有時唔識得分岩同錯，但你地唔可以阻止佢地出現你都會有既感受。」
說罷，我似懂非懂。
其實成年人總是奇怪，自己做可以，小朋友做就是錯。
當焦點落在小朋友身上，總是什麼都不順眼。
大人開ＯＴ無假放叫做刻薄；小朋友上學下課繼續補習學鋼琴，連踩１２小時叫做應份。
無假放，減人工，成年人叫苦連天；無遊戲，多功課，小朋友只可以「硬食」。
工作辛苦上班一族找個人發洩叫正確；學業辛苦找個人傾計叫「唔捱得」。
做了２０多年人，好像我還未看得透。
網上很多無情的批評令我想起小時候一段往事－
父母指責我成績奇差，只想玩樂不願工作，再引用例子「睇下隔離屋個呀琴幾叻！」「好多人書都無得讀架！」
包頂頸的性格令到怒火，由腳底升到天靈蓋：
「你地睇下呀顯個老豆老母幾叻呀！人地一個月搵幾萬蚊又有得住大屋；我都淨係讀書差，無打架無偷野，好多人….」
啪啪啪 當然是被大巴大巴摑落塊面。
回頭想起，感覺又再不同。
富爸爸見我一面心事再問我：
「知唔知點解永遠偏食既都係細路？」
「因為買餸嗰個人永遠都係大人丫嘛！哈哈」
醍醐灌頂，不過我笑唔出。
本篇圖文獲作者 吹水皇的後花園 授權刊登，未經准許，請勿轉載！
吹水皇的後花園 Facebook：https://www.facebook.com/blowwaterking/
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
