當我唔舒服病左，即使見唔到，我都想你陪住
文: 熱豆腐仔
當一個人軟弱失意，自然更加想有人開解照顧
而這個位置，非你莫屬。
.
我不需要你立即跑過來，我不需要你專程陪我看醫生
我只想在我需要人開解陪伴的時候，你可以隨時「在線上」陪著我就足夠
見唔到，都係陪住。
.
.
「成朝仲未應機嘅？衰妹又唔知醒？」
看著女朋友遲遲還沒有看這訊息，也許她又是睡過頭了...
這個傻妹很多時都粗心大意，一時忘記調校鬧鐘，一時則賴床睡到不省人事
就如平日逛街她也不太認路，只是挽著我手就跟著走，相信被賣了也不知道什麼事吧
.
到了下午時份看著她還沒上線，令我開始有點擔心，於是便撥個電話看看究竟
「喂…」
從她軟弱無力的聲線，大概也是生病了吧..
「咩事呀？你病左呀？」
「有少少發燒…」
「琴日仲好地地..咁你睇咗醫生未？洗唔洗過黎陪你..」
「傻咩..你返緊工架..我訓多陣就去睇架啦..」
聽見她如此虛弱的聲音，還真的令我有種莫名的心酸
.
「咁你快啲訓多陣先啦..有咩事記得打比我..」
「好…」
當我正在公司埋頭苦幹之際，手機再次震動
「我依家去睇醫生啦～」
「點呀..訓醒好啲未？」
「無咁辛苦啦…」
「我今晚未必過到嚟陪你..公司仲有野做..」
.
「唔洗啦...今日你次次都秒覆我已經好足夠，起碼見唔到，都感覺到你陪住我ha」
「傻妹..我on call 36小時架嘛ha，隨時為你候命」
「haha 咁你記得扮埋馬明。呃..我等陣打比你啦，準備入去睇醫生啦」
.
也許，有時候不一定出現在對方身邊才是陪伴。
有心的，即使他不在身旁，還是會感受到對方的關心和暖意。
「見唔到，都係陪住。」
相信這也是情侶需要學習的「課題」之一。
本篇圖文獲作者熱豆腐仔授權刊登，未經准許，請勿轉載！
熱豆腐仔 Facebook: https://www.facebook.com/hothottofu/
作者的其他文章：
>> 為左唔想收線，我傻到lift都唔入 企係樓下徘徊
港生活人氣本地熱話
【樂迷注意🎧】《社群》請您免費聽歌三個月！
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
