每一個人身邊，都有一個自稱舊同學的保險佬
文：抒文
不知道從什麼時候開始，你會發現身邊突然出現一個保險佬。你對佢沒有特別印象，佢可能只是大學時其中一個semester project合作過，但過後碰面也沒有點頭的同學、又可能係o-camp時候曾經玩過的camp mate、更可能只是high table dinner一面之緣的人、當然也有可能……是真的白撞。
有一天，你們在街上碰到，對方會以一句「記唔記得我啊」做開場白，比「猜猜我是誰」還要詭異刺激，這也開始了你們之間的對話。
佢首先會同你講好耐無見，再動之以情，說有點想念以前大學的好時光，又後悔以前沒有多約出來見面玩樂。於是你被牽動了情緒，慢慢的，你也真的開始懷念那些逝去的日子。
漸漸地你們的對話因為「開始熱絡」而深入，佢關心你投入社會之後的發展，「搵咗咩工」，「月入幾多」都係佢關心的重要指標，特別當聽到你說養到自己又養到屋企，佢會戥你高興，甚至眼神帶有一絲興奮，因為你開始係佢杯茶，佢想對你因「財」施教。
當時還是「很傻、很天真」的你馬上會問返佢而家做咩工，佢會話畢業之後做過幾份工，有D人工低有D就太辛苦，所以最近決定做返啲有意義嘅嘢。
你問佢咩係有意義嘅工，佢會答：「Financial Planner。」
個心離一離之後，你開始想起最近看facebook時隱約掃過佢嘅status，印象中都很正面，先是一句「感謝朋友們和客戶的信任和支持」、後來又有一個post， tag自己喺醫院，然後話「client專心休息， claim保單的事交比我」(其實client入醫院，你有沒有必要放上facebook賣廣告好此張揚?病人/client有私隱應該是常識吧?) ，兼且三天兩日就會去玩，說多謝公司獎勵，仲要係weekdays。你開始後悔自己無練成「保險佬雷達」，竟然仲同佢傾咗咁耐計，仲要連人工多少都講佢知。
對話結束後，佢輕輕遞上自己卡片，叫你有咩問題隨時搵佢。於是你托詞「得閒飲茶」，在離開後轉個角落便加速逃離現埸，以為咁就可以離開「保險佬雷達」，卻發現自己真的太天真了。
因為你入得雷達，你就好難走到，見你無主動搵佢，佢會定時定候同你whatsapp，又同你講「唔好介意我咁煩，當你係朋友先咁講，人有時真係今日唔知聽日事，保險呢……下刪一千字。」。
你表現出沒有興趣，一次兩次三次之後，佢感受不到回報的氣息，便會慢慢離開你的視線。
於是你開始從這次經驗得到體會。在以後的日子裡，你明白到霎時出現在你身邊的人，不管說話有多動聽多感人，未必是你能信任的人，相反，真正關心著緊你的人不會只是霎時才出現，而是無論你什麼時候需要幫忙，只要能力上和時間上許可，對方都願意幫助你，沒有時限、沒有任何隱藏潛在的利益回報，更沒有用完即棄。
本篇圖文獲作者抒文授權刊登，未經准許，請勿轉載！
抒文 Facebook：https://www.facebook.com/sharefeeling2015/
作者的其他文章：
>> 我們其實為寂寞而戀愛
>> 你份糧包唔包埋陪笑？
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【出POST即賺錢】《社群》再派錢！立即參加～↓
↓立即參加！賺取無上限現金賞💰↓
