我把愛，遺留在垃圾桶內
文：熱豆腐仔
「你又話同條女表白既？收左皮啦？」
好友阿俊傳來一個訊息
「你就收皮！我諗住情人節先出擊呀！加上我99支玫瑰既攻勢，今次一定無死啦！」
「哇！那裡來的自信呀！毒X最忌有自信呀！我就是成功的例子！」
因為阿俊上年情人節表白但收左皮
.
「我同佢識左半年架啦，差唔多日日都有傾計wtsapp，仲好多時單獨出街，我覺得佢都對我有意思囉」
Alfred滿心期待，仲一早就打電話比花舖訂定99支玫瑰
.
其實佢同思穎都算幾好傾，好多時侯都會出黎食個飯、行下街咁
而Alfred唔知幾時開始就鍾意左佢
然而，佢都覺得對方亦有同感
.
「思穎，你聽日有咩做呀？」
「聽日？星期日我通常都係屋企hea下咁，做咩呀？」
雖然好多人都知道聽日就係2月14情人節，但似乎並唔係個個人都咁在意會記得，尤其單身既男女
因為2月13有48小時，好似係
.
雖然思穎唔知有心定無意，但Alfred就擺明有心有意
「不如我地出去行下呀？聽講中環有LED花海睇」
要約一個異性出街，有時侯真係要比d心機搵個好藉口
如果出到黎無野做既話都咪話唔尷尬，所以覺得政府就應該搞多d活動展覽
約人出黎都容易d啦！
.
而Alfred亦都比平時更加緊張、更加期待
或者佢都自己知道今次既「約會」真係好重要
「是但啦，我同屋企人飲完茶應該ok既」
.
YES!!!
Alfred見到思穎既回應都忍唔住振臀一呼，或者佢都覺得對方肯情人節出黎既話，成功機會都幾大
「好啦！咁我到時打比你啦！」
「ok」
就係咁Alfred一直興奮到天明
.
翌日晨早流流就起身梳洗，純白襯衫、gel個all back頭靜侯約會來臨
話咁快時間就到，而Alfred仲提早係思穎樓下等佢
「哇，仲以為係中環等添，做咩專登過黎呀？」
為左比個驚喜思穎，Alfred又搵左個藉口，話自己又係去開附近食野順便過黎咁
其實，呢招都幾好用既，夠賴皮呀嘛
.
順便呀嘛，你講咩都得既
.
係呀，順便
.
如是者Alfred就係樓下左行右行，不時又攞個電話出黎照鏡咁
一兩條頭髮移左位都要整番好佢，真係成個八婆一樣
「哇！你去飲呀？」
遠處既思穎見到Alfred著得同平時好唔同，都忍唔住衝口而出
「唔係呀！今日特別d呀嘛…黎啦，我地行啦！」
「去中環睇野咋嘛，做咩奇奇怪怪咁既」
「無野呀，我平時都有咁著架，你少見姐haha」
為左令思穎唔再注意身上既裝扮，就是但搵野打完埸
.
「點呀？個花海靚唔靚呀？」
話咁快天都黑埋，人地話夜晚感覺會浪漫d，表白都係呢個時侯
「都可以呀！」
「其實，我都好多謝你今日出黎陪我架..」
「洗唔洗咁誇張呀..突然咁客氣既」
「唔係每個人都願意將今日留比自己架..你留左比我，我真係好感激架，你等我一陣，我有d野比你」
話畢Alfred就去左附近安排既花店準備個99支玫瑰
而另一邊廂既思穎就對於佢既說話滿天問號
.
期間思穎攞左部手機出黎玩，呢刻先知道今日係情人節…
「唔係咁大獲呀….」
回想番Alfred岩岩不斷多謝自己，更加開始覺得唔對路
正當思穎諗緊點樣去應對呢件事，而前既Alfred已經攞住玫瑰慢慢行緊過黎
.
海旁之邊，燈光璀燦
浪漫程度都已經無得輸，但可惜神女有心 襄王無夢
「思穎，我有d野想同你講好耐，但係我又驚會嚇親你，但係我控制唔到我自己…我日日都好想見到你、好掛住你…其實」
講到呢到思穎已經面有難色，佢估唔到Alfred真係會同自己表白…
「其實我…一直都係當你好朋友…你好似哥哥一樣咁照顧我，我真係好多謝你架…」
呢個時刻，瞬間變左Alfred面有難容
.
成個畫面就好似hold實左一樣，估唔到自己表白到一半就咁快收到好人卡
「我唔係好人黎架！！我係X街呀！」
但Alfred又邊夠膽講出口
.
還好的是，佢知道自己唔係一隻兵，係人地哥哥
哥哥.....
.
X！
.
Alfred忍住自己又灰又嬲既情緒，希望比到雙方一個下台階
「唔緊要…我..其實呢99支玫瑰呢…我係送比第個人架..」
兩個呢刻尷尬非常，好想有個隨意門可以即刻返屋企收自己皮
「咁…我…對唔住呀…」
「傻啦..我無野喎…我約左人…我走先啦…」
Alfred忍住淚一個轉身，帶埋99支玫瑰頭也不回
.
男女之間有無純友誼？
聽人講好似無
.
或者好多時侯係處理異性關係之中，唔覺意都會比較熱情曖昧左
平時出街又搭晒膀頭好多身體接觸咁樣
原來無聲無色之間，可能已經唔小心偷左對方既心
或者你真係無心無意，一場誤會，但對方已經仆到一敗塗地
.
.
由開心期待變到好灰好嬲，真係話都無咁易
＃花花世界太過美那有我蹤影
街上愛人一對對，Alfred攞住99支玫瑰更加成為焦點
「無人要我d花…我知你唔介意收左佢..」
就係咁，Alfred將呢99支玫瑰一野轟落係呢位橙色buddy身上
「呀呀呀！！！X！！」
.
Alfred咁嬲並唔係思穎無接受佢呢份愛意，而係佢嬲自己一直太天真、對自己過份有自信，無好好真正留意對方既想法就行動
.
毒X最忌有自信，同時亦最忌衝動
.
今晚，我將所有愛遺留在垃圾桶
#忘掉送過的花 ＃重新的出發
祝各位表白成功 永不言敗
本篇圖文獲作者熱豆腐仔授權刊登，未經准許，請勿轉載！
熱豆腐仔 Facebook: https://www.facebook.com/hothottofu/
作者的其他文章：
>> 那些年 我SMS你
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
【旅途無蝨】請您用AQUA PRO+TECH「驅蚊大師」滅菌驅蚊液 ！
