衛詩雅結婚｜衛詩雅夫妻婚禮上向「伯樂」敬茶 新人收雙封大利是場面感動
周祉安醫生及衛詩雅（Michelle）婚禮於周日圓滿舉行，除了公司眾多夥伴現身祝福外，一對新人更向Michelle的伯樂－英皇集團主席楊受成博士伉儷、英皇娛樂集團行政總裁張雅麗女士及英皇娛樂集團營運總裁霍汶希女士逐一敬茶，場面感動。
Michelle更於婚禮台上特別多謝楊博士及Mani於十多年前歡迎她加入英皇的大家庭，令她有第二個家的感覺。除此之外，Michelle更相當感謝傳媒朋友多年來的照顧，一對新人悉心準備「嫁女餅」給當晚到場的傳媒友好，跟大家分享喜悅。
▼▼點擊睇衛詩雅敬茶環節▼▼
Michelle當晚亦特別邀請多位事業上的戰友到場，見證她人生中的大日子，當中不少得跟Michelle連續合作三部電影的陳茂賢導演。導演獲邀在婚禮台上大爆Michelle不為人知的蝦碌一面：「我同Michelle第一次合作係《不日成婚》，為Michelle寫咗曾可怡呢個角色。戲𥚃面嘅曾可怡同現實生活中嘅衛詩雅好唔同，但係又有啲相同；相同嘅係大家都好善良，心地好好，好識得為照顧身邊嘅人去感受。」
「唔同嘅係，戲裡面嘅曾可怡記性好好，冇咁大頭蝦，而現實中嘅衛詩雅好大頭蝦嘅，記得有一次我病，「衛大夫」畀咗啲藥我食，食咗兩個禮拜都唔好返，終於有一日我忍唔住，「不如你試吓問下周醫生吖？」，然後周醫生就同我講話『錯㗎喎啲藥，仲要係冇一隻啱。』所以周醫生係幾咁重要！」導演的分享令在場賓客捧腹大笑。
導演亦帶來感性的贈言：「作為呢幾年嘅戰友，我好開心睇到佢由曾可怡到郭文玥，一步一步咁成長，成績越嚟越好，如今佢接到一個人生好重要嘅角色，就係周太，我對佢好有信心，即使我知道佢無論演戲定係對自己都係力求完美，但係我想講你識咗周醫生之後，思想成熟咗，記性好咗，皮膚靚咗，個人開心咗，其實好完美㗎喇！」
導演續稱 :「不過最緊要喺周醫生眼中，你永遠都係咁完美。我想送一句《不日成婚2》嘅對白，希望你記住，『做自己，做好自己，做好周太。』希望周生周太幸福美滿，白頭到老！」
港生活人氣娛樂新聞
【免費送Rollink旅遊系列✈️🌍】
↓ 帶走人氣摺疊旅行喼 x Mini Bag！↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
