港男夾公仔每月最少花$3000！力數場主5大劏客惡行：根本係自取滅亡

文: 溫藹紅

2024.12.19

夾公仔機成巷成市，不時都有市民在網上狂呻台主出「騙術」，對機器、機爪設定操作之餘，更有縮洞等措施干預增加出貨難度。隨著早前消委會發表報告，揭發本港夾公仔機的不良經營手法，近期建議立法規管的呼聲漸高，有連登網民更發長文抒發感受，稱自己曾月花數千元去夾公仔，過程「被劏」已是常態，並力數5大場主的操作惡行，批評根本是「自取滅亡」！

港男每月花數千元夾公仔細數場主5樣劏客惡行

消委會早前接獲3宗有關夾公仔機的投訴個案，投訴人分別都投訴夾公仔機存在不良營銷手法。消委會指，夾公仔機於2022年由法庭裁定不符合條例中對「娛樂」的定義，因此不受《公眾娛樂場所條例》規管，因此認為夾公仔設定應要合理，以及清楚標示條款、提供「保夾」機制、積分兌獎規則等清晰資訊，以避免因遊戲過於困難甚至不合理的設定，令消費者產生不良觀感。隨著報告討論區愈高，有建議指需要修例以立法規管，亦有市民透過網上發表心聲。

消委會夾公仔機｜消委會揭夾公仔機3大蠱惑招！獎品與展示不符港男花$500僅得鎖匙扣

點擊圖片放大

港男：夾公仔場主過度追求利益破壞市場規則

日前就有男網民透過連登討論區發文，分享自己曾經每個月花費數千元去玩夾公仔，期間體驗不少被場主（或台主）「劏客」的經歷，認為「因為有啲場主過度追求利益，破壞市場規則，搞到今時今日咁樣，簡直係『殺雞取卵，自取滅亡』」，又批評坊間「夾公仔需要一定嘅技術」的說法完全忽略問題本質，同時力數出5件場主為干預出貨而做的惡行！

▼場主干預出貨5大惡行▼

點擊圖片放大

樓主批大型連鎖店：機台普遍「夾起即鬆」模式

樓主又認為，不單止小型夾公仔場，大型連鎖公司（例如N記、T記同冒記）都不能夠逃避責任，「尤其係T記同N記，佢哋啲機台普遍係『夾起即鬆』嘅模式，玩家可能洗咗幾百蚊，但結果就係一無所獲」，如果尋求職員協助一般只會得到以下待遇：

▼職員推搪口吻▼

點擊圖片放大

樓主怒轟夾公仔場雙重標準形容行徑「令人作嘔」

樓主直言，「不如直接叫玩家打錢入場主戶口咪得囉。如果你真係經營唔到，就唔好再做啦！但啲場主圍到皮之後，仍然想賺盡，結果就係玩家俾你劏咗一次之後就唔再返嚟」，認為這種殺雞取卵的行為，最終只會令行業陷入惡性循環。他續指：「啲場主又驚冇人玩，於是入啲高價貨吸引玩家；但又驚玩家用啲暗黑技，所以自己就先用暗黑技去對付玩家。呢種雙重標準，真係令人作嘔。」

點擊圖片放大

他怒轟，不如「光明正大」購入同價值相符的商品，或者改為積分兌換模式，既可以維持市場公平，又可以吸引玩家繼續支持。他於文末感嘆，自從見識到夾公仔行業的黑暗後，「我寧願直接俾運費喺官網買返嚟，仲平過喺場度俾人劏，仲慳返唔少精神同時間」。

網民：支持立法 VS 台主：同場台主夾晒啲貨

帖文引來網民留言討論，有網民直言支持立法，「香港啲夾公仔鋪真係好X核突，膠布膠板痴到部機鬼咁馬六」、「啲爪鬆到仲冇力過三歲細路仔隻手，嗰啲閘口又細，但公仔可以好大」、「做生意唔係話要蝕本，但賺錢要賺到咁X街，抵你成個行業要收皮」。不過都有台主表示，夾公仔機難度愈來愈高的原因，「主要係同場有10個台主，咁諗有啲台主諗住設定易少少，就俾同場啲其他台主（識玩）夾晒啲貨」，因而造成惡性循環。

▼網民留言▼

點擊圖片放大

資料及圖片來源：連登討論區、消委會

巴西夾公仔機用程式操控爪子力度

據外媒報道，巴西里約熱內盧警方打擊夾公仔機騙局，於上月28日搜查商場和地鐵站等地，檢走多部夾公仔機，並發現倉庫有大量夾公仔機及盜版公仔。警方正調查背後是否牽涉更大犯罪集團，及涉及洗錢或其他金融犯罪行為。此外，警方又發現，不法份子透過程式電流，操控夾公仔機的爪子強弱，機台必須達到機主設定的次數，爪子才能「強」到穩夾公仔並成功出洞，實際上猶如老虎機，因此在當地構成違法。

港人力數香港夾公仔4宗罪！怒斥變「公仔KK園」呼籲學外國警方出招打撃

點擊圖片放大

港人力香港夾公仔機4宗罪形容如「公仔KK園」

大批香港網民對巴西打擊夾公仔機「騙局」頗為關注，更多的是身同感受，認為「香港嗰啲（夾公仔機）早就應該查啦」、「點解呢樣嘢喺香港唔係犯法」？批評香港猶如「公仔KK園區」，力數香港夾公仔機4宗罪！

點擊圖片放大

1. 操控爪子力度

點擊圖片放大

2. 用鐵欄阻擋出口

點擊圖片放大

3. 用間尺阻擋出口

香港的夾公仔機不時都被指「出術」，以致相當難夾，引人詬病。除了設置機爪的鬆緊度，最近有市民更「大開眼界」，見到有夾公仔機使用間尺、膠條等大封出貨位，公仔要跌下來就難上加難，有網民直言「根本搵笨」。

點擊圖片放大

從相中可見，該部夾公仔的出貨位，被台主用一把鐵間尺及膠條，以「交叉」方式設置在公仔出口的中央位，而機內擺放了體型不小的公仔，部分體積更大於出口，樓主不禁嘲笑道：「真係扑爛部機都跌唔落去喎。」

點擊圖片放大

夾公仔機超蠱惑！間尺膠條封出貨位公仔大過窿港人鬧爆：根本搵笨

4. 一定次數都夾唔到

點擊圖片放大

對此，有香港人發揮「挑戰」精神，不斷去鑽研兼挑戰設置不少「障礙」的夾公仔機，但未必單靠技術就一定成功，引起不少網民不滿。近年網上亦陸續出現「夾公仔成癮！互助退坑脫坑群組！中伏通知！」、「香港三爪夾公仔綜合交流區」等群組，聚集網民交流夾公仔心得。有網民無奈表示，「巴西嗰啲都仲好過香港」、「機率機入侵之後都無咩係街夾過公仔，懷念以前嘅鋪頭仲會放啲無咁呃錢嘅機」。

▼網民咁樣睇▼

點擊圖片放大

不過，有網民就分享獨特見解，認為夾公仔正正如投資一樣，需要評估風險，「夾公仔之前，有冇細心研究過部公仔機個爪，同埋洞口啲貨點樣出」？同時又將現時與以往台式夾公仔機作出比，指「太多參差嘅（機）台，真係要學下去分別」。

資料及圖片來源：連登討論區、Facebook@Chiikawa HK Fans Club ちいかわ吉伊卡哇香港粉絲團～Nagano 兔兔小八小可愛關注組、Facebook@夾公仔成癮！互助退坑脫坑群組！中伏通知！

Array ( [0] => stdClass Object ( [title] => 港婦貪平參加$99內地睇樓團！1舉動激嬲代理慘被原地放生要自己返香港？網友：怪就怪自己貪心 [articleId] => 20061988 [permalink] => https://hk.ulifestyle.com.hk/topic/detail/20061988/%E6%B8%AF%E5%A9%A6%E8%B2%AA%E5%B9%B3%E5%8F%83%E5%8A%A0-%E5%85%A7%E5%9C%B0%E7%9D%87%E6%A8%93%E5%9C%98-%E8%88%89%E5%8B%95%E6%BF%80%E5%AC%B2%E4%BB%A3%E7%90%86%E6%85%98%E8%A2%AB%E5%8E%9F%E5%9C%B0%E6%94%BE%E7%94%9F-%E8%A6%81%E8%87%AA%E5%B7%B1%E8%BF%94%E9%A6%99%E6%B8%AF-%E7%B6%B2%E5%8F%8B-%E6%80%AA%E5%B0%B1%E6%80%AA%E8%87%AA%E5%B7%B1%E8%B2%AA%E5%BF%83 ) [1] => stdClass Object ( [title] => 港人幾萬蚊裝修舊公屋整完好似私樓咁靚？網友紛紛大讚：咁高質 [articleId] => 20050576 [permalink] => https://hk.ulifestyle.com.hk/topic/detail/20050576/%E6%B8%AF%E4%BA%BA%E5%B9%BE%E8%90%AC%E8%9A%8A%E8%A3%9D%E4%BF%AE%E8%88%8A%E5%85%AC%E5%B1%8B-%E6%95%B4%E5%AE%8C%E5%A5%BD%E4%BC%BC%E7%A7%81%E6%A8%93%E5%92%81%E9%9D%9A-%E7%B6%B2%E5%8F%8B%E7%B4%9B%E7%B4%9B%E5%A4%A7%E8%AE%9A-%E5%92%81%E9%AB%98%E8%B3%AA ) [2] => stdClass Object ( [title] => IKEA小編再發功抽水Chiikawa黃牛黨網民爆笑：咁都有位入 [articleId] => 20062264 [permalink] => https://hk.ulifestyle.com.hk/topic/detail/20062264/ikea%E5%B0%8F%E7%B7%A8%E5%86%8D%E7%99%BC%E5%8A%9F%E6%8A%BD%E6%B0%B4chiikawa%E9%BB%83%E7%89%9B%E9%BB%A8-%E6%90%9E%E6%80%AA%E5%9B%9E%E6%87%89%E7%95%99%E8%A8%80%E5%86%8D%E6%83%B9%E7%AC%91%E7%B6%B2%E6%B0%91 ) [3] => stdClass Object ( [title] => 公屋裝修｜香港350呎公屋裝修變豪宅！三房一廳佈局公開 L形上下錯位間出子女獨立房間 [articleId] => 20050306 [permalink] => https://hk.ulifestyle.com.hk/topic/detail/20050306/%E5%85%AC%E5%B1%8B%E8%A3%9D%E4%BF%AE-%E9%A6%99%E6%B8%AF350%E5%91%8E%E5%85%AC%E5%B1%8B%E8%A3%9D%E4%BF%AE%E8%AE%8A%E8%B1%AA%E5%AE%85-%E4%B8%89%E6%88%BF%E4%B8%80%E5%BB%B3%E4%BD%88%E5%B1%80%E5%85%AC%E9%96%8B-l%E5%BD%A2%E4%B8%8A%E4%B8%8B%E9%8C%AF%E4%BD%8D%E9%96%93%E5%87%BA%E5%AD%90%E5%A5%B3%E7%8D%A8%E7%AB%8B%E6%88%BF%E9%96%93 ) [4] => stdClass Object ( [title] => 330呎公屋擁「極窄走廊」！戶主20萬裝修間出三房網民讚嘆：裝修做到極致 [articleId] => 20052813 [permalink] => https://hk.ulifestyle.com.hk/topic/detail/20052813/330%E5%91%8E%E5%85%AC%E5%B1%8B%E6%93%81-%E6%A5%B5%E7%AA%84%E8%B5%B0%E5%BB%8A-%E6%88%B6%E4%B8%BB20%E8%90%AC%E8%A3%9D%E4%BF%AE%E9%96%93%E5%87%BA%E4%B8%89%E6%88%BF-%E7%B6%B2%E6%B0%91%E8%AE%9A%E5%98%86-%E8%A3%9D%E4%BF%AE%E5%81%9A%E5%88%B0%E6%A5%B5%E8%87%B4 ) )

港生活人氣本地熱話

【請您睇戲】投選您心目中的金像獎影帝影后🫅🏻👸🏻

↓【限時搶⚡】Stecco Natura意式雪條↓

熱門搜尋:

港男夾公仔每月最少花$3000！力數場主5大劏客惡行：根本係自取滅亡

港男每月花數千元夾公仔細數場主5樣劏客惡行