吳海昕自爆舔一物由細舔到大 憶述「痴線」行為引爆網民童年回憶
現年35歲，參選2014年香港小姐入行的吳海昕（Sofiee），因出演ViuTV 劇集《二月廿九》張麗紗（Yeesa）一角受到觀眾注目，是大眾心中的文青女神。但近日她竟在社交平台上自爆一個「痴線」行為，令女神形象「盡毀」，而該行為更引爆網民童年回憶，瘋狂洗版留言。
吳海昕自爆從小啜M記茄汁
吳海昕日前在社交平台Threads上發文，自爆家境貧窮的自己從小會到快餐店進行一個「痴線」行為，就是拿取免費茄汁啜當零食，更稱快餐店茄汁陪伴了她整個中學時代。
「關於m記茄汁…由細到大我都冇零用錢，因為屋企住得好近學校，lunch都係行返屋企食阿爺煮嘅飯。放學同班女同學去老麥溫書傾偈，佢哋個個都會買一包細薯條或者一個新地雪糕，而我就會問櫃檯拎兩包茄汁慢慢舔，佢哋問我做咩唔食嘢，我永遠都答，「茄汁好好味喎！」其實我根本連銀包都無。我唔係想講嗰啲咩大個終於有錢好感動嘅廢話，而係我真心覺得老麥茄汁係陪住我大嘅好朋友，一路舔到我中學畢業，痴線真係好懷念。」
貼文引爆網民童年回憶
文章一出即惹來大批網民留言，引爆各種M記茄汁童年回憶。有不少網民表示是啜茄汁的同道中人，「好細個出街會同fd經過老麥就去拎包食」「同道中人」「我都會啜茄汁，到高中時返m記兼職放飯啜茄汁」「我而家吃薯條都叫店員比多包茄汁」「細個同朋友踩單車，路過M記就會拎包茄汁或者泰式辣醬，邊踩邊啜」「以前都有舔M記茄汁嘅習慣」「啜茄汁就好似啲貓食肉泥棒咁上癮」
亦有網民表示會「茄汁撈飯」，「啜茄汁我明啊，我屋企仲會拎好多番去煮腸仔當一個餸」、「小學嗰時喺屋企食飯成日食剩碗白飯，每次都要hea好耐先食得完，之後醒目嘅我開始用M記茄汁嚟撈飯食，咁食法好似都維持咗一段時間」，相當有趣。
另外，有網民逆風指甜酸醬更正，留言「甜酸醬嗰個好似正啲」、「我反而鍾意舔麥樂雞醬」、「我老公係lam甜酸醬」、「以前麥樂雞個醬都唔使錢」。
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
