93歲黃夏蕙公開最新健康報告 完成心願難得與子女「齊人」食飯
現年93歲嘅黃夏蕙早前有感自己體力下降，更舉行「最後派對」交低自己嘅基金會「夏蕙之家」，唔少網民都好擔心佢健康出問題，日前佢就同囡囡Maggie拍片交代目前身體狀況。
Party Queen黃夏蕙 4月28日舉行最後一場派對，派對上佢都表現得好有活力，仲同唔少契仔、契女同契弟、契妹進行上契儀式，正式放低佢一直苦心經營嘅慈善事業。黃夏蕙上年曾短暫離開香港，但如今佢就表示唔會再去外國，早前佢同細女Maggie拍片，都有交代點解，細女Maggie表示：「佢喺三藩市住咗6個月，咳得好緊要，佢話佢唔會再返美國，主要係佢腳痛，佢上台要靚着啲高踭鞋……都好多謝香港咁多人錫佢。」
夏蕙雖然覺得身體唔妥，但都冇做Body check，終於今次Maggie同媽媽去做咗檢查：「check下佢智慧去到邊，畀啲年過70歲老人檢查有冇老人癡呆，個test係30分底分，佢去到29分。」片中另一主持人就表示呢啲測驗唔簡單，所以可以拎到29分證明佢仲係好精靈。Maggie續指：「血壓normal啦，偏低少少，醫生話唔使緊張……腳痛呢幾日又話冇事，媽咪得到你哋支持長命百二歲！」
夏蕙最後總結，都表示終於可以放低基金會：「好感激我個女，我個女由細到大都take care我，我冇人傾訴就打畀個女，我個女咩都做足，做到我好滿意。我真係好多謝好多人咁支持我，我唔係話退休，我唔想自己去搞喇，希望後生將個慈善基金搞好佢，唔使我咁辛苦。」Maggie補充，佢同一班兄弟姊妹都完成咗媽媽另一個心願：「之前媽咪打畀我都有個心願，希望兄弟姊妹齊人同佢食餐飯，我哋有做到，嗰晚非常溫馨，好難得嘅機會，因為啲兄弟姊妹個個都好忙有自己生意，平時我都係分開同呢個食、嗰個食……」夏蕙表示好欣慰：「我4個仔一齊，兩個女一齊，仲有一個女因為喺加拿大，所以就嚟唔到，我七個Bb，齊晒喇，好開心，家庭幸福，係真真正正我需要。」
圖片來源：YouTube截圖
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
