反黑英雄丨陳山聰一集換4套衫著私伙潮鞋 與細20年何沛珈談情零違和
TVB劇集《反黑英雄》前晚（25日）播出第二集，陳山聰先解開DSE之謎，原來他惡補英文準備考DSE，更識到靚女miss何沛珈。向來熱愛時裝的山聰出動私服拍劇，經常一身日本潮牌，跟年輕20年的何沛珈談情也沒有違和感。
花名「潮山聰」的陳山聰一向愛靚衫，今次拍《反黑》亦出動私伙衫。有網民發現山聰在劇中的便服造型，全是日本潮流品牌，山聰單是昨晚一集已換了4個不同造型，又特別近鏡拍攝他綁鞋帶一幕，便看到他腳上正是限量版波鞋，十足潮流教父。其實，過往山聰拍劇集《潮流教主》、《逆緣》《十八年後的終極告白》、《金宵大廈》等劇已不時出動私伙，甚至親自設計角色造型及找時裝贊助，非常有心。
劇中，山聰與新相識的英文補習老師女友何沛珈正同居，二人現實中相差20歲，不過一身潮服的山聰顯得年輕，在劇中談情也不覺得是父女戀。問到今次首次與視帝山聰合演情侶，有否乘機偷師？何沛珈說：「因為我本身性格比較硬朗，所以某啲位嘅演繹會硬咗啲，山聰就建議我可以撒嬌多啲。」她跟山聰有不少甜蜜互動：「因為我哋一開始就要拍咗屋企戲先，冇太多時間warm up，就要拍最親密嘅大部份戲。逢係親密嘅接觸，我哋排戲時都會事先溝通好，冇乜話好尷尬同緊張，反而最驚係有一場臨時加戲，講山聰抱起我，我好驚我太重責親佢！」
何沛珈的家居Look亦是網民焦點所在，身為「東張女神」的她分別換上墨綠色和粉紅色小背心，加上家居短褲盡騷招牌長腿，大曬Fit爆身材兼青春活力，成為網民焦點。她大方分享修身之道：「除咗做運動，一定要注重按摩同埋拉筋，我自己每日都會用滾輪按摩小腿同大腿，我連拍劇都會帶埋去，係有少少癲嘅，每日按15分鐘至20分鐘，如果有多啲嘅時間我就會按摩加拉筋成個鐘。第二就係要多啲飲水，飲水唔係會引起水腫，而係會幫你消腫，每日最少2公升；第三就係唔好貪啲嘢好食就瘋狂咁食，要有節制！」
圖片來源：大會提供
港生活人氣娛樂新聞
↓【限時搶⚡】SmileLife™ Probio益活 厚生益菌元↓
↓提升腸道益菌，加強免疫力｜改善易敏體質，對抗濕敏↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
