愛回家丨鄭世豪譚坤倫前後腳告別待遇不同 細龍生交代被調走 CPU默默退場
《愛回家之開心速遞》的演員蘇韻姿、鄭世豪及譚坤倫先後離巢，所以劇中的固定角色熊心如、龍力士及CPU都將會「消失」。除了熊心如差不多離開已經一年外，譚坤倫和鄭世豪都先後在2283集及2290集演出告別一集，不過待遇不太一樣，昨晚龍力士「被調到」哈爾濱，亦意味著不會再在《愛回家》出現，令人大感可惜。
同場加映：馮盈盈否認為嫁豪門進修碩士 望成出色女性：提升修為最重要
《愛回家》昨晚播出第2290集「俾你老細」，主線是描述Fanny（張盈悅飾）因成為大小姐（林淑敏飾）的得力秘書，並在網上公開撰文表揚大小姐，因而令大龍生（羅樂林飾）對細龍生（鄭世豪飾）有微言，細龍生於是趁大小姐放假，借用Fanny做秘書並提供公主式享受，令Fanny一度太投入而誤認老細係細龍生，激到大小姐紮紮跳。後來，Fanny再次撰文表揚細龍生，卻寫成細龍生縱容下屬Hea爆工作，令大龍生大怒，並下令將細龍生調到哈爾濱作為懲戒，令細龍生嬲爆。由於鄭世豪在IG預言今集是最後一集，相信這次交代他去哈爾濱，就是最後的交代，細龍生的角色亦不會再出現。據樊亦敏早前透露，劇組的確已經安排好「囝囝」阿Joe現身，至於演員是誰，她則三緘其口不肯透露半點風聲。阿Joe一直都只是掛在大龍生同三太（樊亦敏飾）的嘴邊，從未有出現，就算2241集中現身探望大龍生，都只有背影，實在令人期待。
至於CPU早於上星期就是他的最後一集現身，但待遇跟細龍生不一樣，上周第2283集劇情就未有交代CPU離開，而飾演CPU的譚坤倫大表不捨，更製作CPU多年來拍攝的花絮影片來懷念一番，他留言說：「我有份嘅最後一集，多謝大家支持，再見！」而他跟圈中好友食飯，老友們為他正式餞行，事關譚坤倫將北上發展事業。至於鄭世豪在IG都有轉發不少人的留言，大家都為他送上祝福，其中有一位臨時演員留言說：「你係一個很有禮貌的演員，每次見到我哋啲臨時演員並沒有睇唔起我哋，仲好有禮貌咁同我哋微笑，所以我覺得你很有演員道德，好高興認識你！未來日子隨後緣吧！一定有更好嘅伯樂扶持你，永遠支持你！」而世豪都有禮貌回應對方：「見唔到你哋一齊開工了，一直辛苦晒你哋啦，有緣再見啊！」
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
