東張西望丨賤男KOL事件曝光再有受害者報警 疑著草被警方拘捕 《東張》再記一功
《東張西望》一連五晚報道，一名曾犯非禮案入獄的謝姓男子，出獄後變身坐擁過萬粉絲的KOL，他疑透過哄騙少女到家中性交，並偷拍性愛過程，多位受害人現身指控，包括一名13歲少女。昨晚節目（19日）中，節目交代謝男最後一段訪問，原來自從節目出街後，已經有多名受害者主動聯絡《東張》求助，亦有至少兩名受害人到警署報警，謝男疑想潛逃內地卻遭警方在關口拘捕。
同場加映：中年好聲音2丨顏米羔離婚投資失利陷中年迷失 認任性放手一搏：為媽媽爭番啖氣
昨晚《東張西望》播出該事件的最後一集，訪問謝男期間，他再次否認所有受害人的指控，指冇證冇據，聲稱自己太大壓力，用錯方法以性去減壓，反而指斥網民將他的個人資料在網上「起底」，將事件美化成自己才是受害者，愧對媽媽。未知是否節目出街後，觀眾或相關受害者都難忍他完全無悔改或內疚的心態，引起部分受害者終於挺身而出。其中受訪受害者Kathy及Janice帶同多位受害者到灣仔警署報案，主持人Patrick Sir林溥來及梁麗翹呼籲其他受害人主動聯絡警方，配合調查，亦交代事件最新進展，「兩名受害人報警後，今日（昨日）凌晨警方喺落馬洲管制站截獲一名正在離開香港嘅男子，警方暫時以『以威脅促致他人作非法的性行為』、『窺淫』、『非禮』同『盜竊』嘅罪名將佢拘捕，而家將佢扣留調查。警方呼籲其他受害人盡快同佢哋聯絡，熱線電話係59667815，所有提供資料係絕對保密。」
連日多名受害者接受《東張》訪問，當中事發時只得13歲的Apple（化名），表示第一次見到謝男時，除了紋身跟IG相一樣外，樣貌跟相片並不同。Apple表示在網上聊天時，謝男已得知她的年齡：「佢仲話『幾好呀，好後生，好得意嘅妹妹』。」結果Apple一入男方屋企，便被謝男推倒床上奪去初夜。《東張》追訪謝男，謝男否認所有指控，強調已搵律師：「你有證據就報警，我知道係好嚴重嘅指控，我自己都好無奈…記者朋友，你係男人我都係男人，無人未試過唔鹹濕嘅，我自己做錯任何嘢，我已經承受咗我所謂嘅責任。」他否認性行為期間偷拍：「梗係無…如果真係有偷拍，電腦、手機有晒證據嘅話，差人會拉我，我依家就唔會喺度同你講嘢。」不過，受害人Angel曾展示與謝男的WhatsApp對話，顯示當時謝男承認有偷拍她。謝男回應時表現「跳掣」：「我發誓同你講，我一定、絕對沒有，就係咁簡單。呢啲嘢（偷拍），講真嘅，唔係你話呢個人講、嗰個人講，好多人報警就話係，好多人都好憎我。」
訪問期間，問他是否跟16歲以下少女發生性行為？他未有承認或否認，反而怪責受害者：「依家啲化妝技術好犀利，我唔可以否定或者承認所有嘢…你話16歲未夠，唔通真係要你拎張身分證嚟睇咩？當然，就算同意底下，與未成年少女發生性行為都係犯法，但我話畀你聽，呢樣嘢我真係答你唔到。（有受害者曾表明只得13歲？）痴線，係咪一定係我？呢啲都係口同鼻拗。」
曾犯至少兩次風化案的謝男，承認以前曾犯錯，現已洗心革面：「我唔係一個好人，但依家已經冇再做任何一件壞事，我已經返咗去一個好好嘅生活。有啲人一定會加鹽加醋，如果我真係有做，我一定企出嚟，我已經係一個壞咗嘞。我以前真係同過好多女仔發生過性行為，呢樣嘢我承認。但依家我同佢哋發生性行為，都係你情我願。強姦嗰啲嘢全部都係假！我承認我以前係個好濫交嘅人，但我係冇做過犯法嘅嘢。」
他更自爆有特別手法，氹女仔上自己屋企：「例如叫女仔上嚟煮飯仔，叫佢哋上來玩狗，我係攞呢啲藉口呃女仔上嚟。你唔可以話呃，都可以換個角度睇，你情我願又得，或者用一啲手法呃又得。我一日flirt（調情）一個女仔，點解我需要強姦？點解我唔聽日約第二個上嚟？我以前真係呃過女仔上床，但我依家有女朋友，亦有穩定工作。」其後，謝男再次責怪受害女生：「你叫佢小心啲，唔好亂嚟，唔好亂咁上男仔屋企。大家都有責任，佢要保護自己，你當然可以話佢細個，佢唔識，冇經驗，但呢啲要自己承擔！」
其中一位受害人Kathy回應，直指對方前言不對後語：「即係佢承認有呃女仔上床，又點會變成自願呢？如果當事人覺得自己受蒙騙，或者有欺詐成分，都係犯法。佢仲指責番呢啲未成年少女嘅錯，覺得佢哋上嚟係佢哋唔應該；但問題係佢不斷利誘，同埋用盡方法引其他女仔上嚟。佢反而指責受害者，我覺得佢唔會改過。」今次事件，《東張》分開一連五集播出，今晚繼續播出謝男回應，他自爆患性上癮：「一日一個，有時一日兩個，心理醫生話我問題係寂寞、有壓力，但用錯方法。」至於《東張》主持昨晚表示，事件出街後，陸續收到更多受害者報料，有受害者更已經報警。
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
