《東張西望》主持「被選中」冇得上飛機 滯留加國24小時航空公司賠過萬
航空公司航班超賣的情況時有發生，旅客隨時有機會去到閘口都上唔到機。早前無綫《東張西望》主持容羨媛就分享自己滯留加拿大機場一事，她說：「第一次搭飛機上唔到機！估唔到check-in 哂，寄晒行李，過埋關，去到閘口都可以出返嚟！究竟發生什麼事？！」
同場加映：出租家人│陳家樂感激嫲嫲積蓄助發明星夢 周家怡後悔惹怒家人被趕出家門
片中容羨媛身在加拿大，指自己上唔到返香港的飛機，只能眼白白「送機尾」。她說：「我嚟到機場check埋in，一路都話未有位畀到我，我想揀位都揀唔到，佢話我去到閘口就會有。點知去到閘口佢又叫我等，去到開始上機，唔知點解班機係少咗三個位，而我係其中一個冇位嘅乘客…」她又指：「估唔到呢件事會發生喺我身上，我搭咗咁多年飛機都未試過…」
而航空公司方面就要指看有沒有座位空缺，而後來亦沒有乘客願意讓位出來，因此容羨媛就錯過了這班機，要等下一班機。「呢架飛機走喇，係我原本飛嗰架。好想走，好想返屋企，仔女好掛住我，唉。」
容羨媛離開機場後，指航空公司安排了補償給她，而翌日同樣時間她亦可以返港：「佢會用支票寄番2400加幣（約13,902港元）畀我，一晚酒店同機場餐飲劵。聽日可以返香港已經非常好，唔使話要我去台灣、美國轉機。正面啲諗就賺咗2400加幣，同埋可以試下claim旅遊保險。」
而當日容羨媛亦順利上機回香港，在抵達香港機場後，她獲丈夫及子女接機，收到花的她十分感動：「回家最好不過。無你哋喺身邊，再精彩嘅旅程都無樂趣！闊別11日，終於見返啲細路喇！Mammy miss you so much！」
圖片：容羨媛IG
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
