30%滲水辦個案調查逾3個月 點解要搞咁耐？ 議員促善用新科技加快進度、降低調查濕度門檻
樓宇滲水真係令人好頭痛！由屋宇署及食環署組成嘅滲水投訴調查聯合辦事處（滲水辦）喺去年首9月，就已經接獲約34,361宗舉報個案，但原來當中約3 成個案，調查時間都超過3 個月，點解要搞咁耐呢？有議員就公開表示不滿滲水辦嘅效率，促請滲水辦利用科技加快調查進度。
============
同場加映：
【家居達人】Muji清潔用品好用推薦 實用好收納/自住必備
============
由屋宇署及食環署組成的滲水投訴調查聯合辦事處在去年首9個月，共接獲約34,361宗舉報個案，已處理嘅個案有三萬一千多宗，有四千二百多宗個案成功搵出滲水源頭，並已完成調查，另有四千一百多宗未能找到滲水源頭，而終止調查，當局共向133宗個案提出檢控，有95宗定罪。滲水辦指喺2020至2022年間，約70%個案可以於90個工作天內，完成調查並告知結果。但議員楊永杰表示不滿滲水辦嘅表現，指其跟進程序繁複，導致積壓大量舉報個案，促請滲水辦利用科技加快調查進度，並放寬展開調查門檻。
點解滲水個案要調查咁耐？
原來現時滲水辦嘅調查，會分3個階段：首階段會量度滲水位置嘅濕度是否達35%或以上，若是，則會安排第二階段調查，就係進行排水管色水測試等，確認滲水源頭；若未能找出滲水源頭，則會安排第三階段調查，由顧問公司喺單位地台、牆壁等進行蓄水或灑水測試，以及採用紅外線熱成像分析及微波斷層掃描等科技偵察滲水源頭。
現時滲水辦嘅調查，會分3個階段，至最後一個階段，先會用微波斷層掃描等科技偵察滲水源頭。
楊永杰指出，滲水辦現行嘅跟進程序太繁複，需時較長，導致積壓大量舉報個案，認為政府應參考公正行嘅做法，喺第二階段調查進行色水測試時，一併使用紅外線或探地雷達等科技，加快調查速度。
楊永杰指滲水辦現行嘅跟進程序太繁複，應參考公正行嘅做法，喺第二階段調查進行色水測試時，一併使用紅外線等科技，加快調查速度。
其實滲水辦為咗加快處理滲水個案，自去年第三季，已經喺黃大仙、元朗及北區等地，試行新嘅調查程序，喺完成第一階段調查後，嘗試同步進行第二段及第三階段調查，以縮減調查時間。楊永杰認為若果合併調查程序能大幅縮短調查時間嘅話，滲水辦應盡快將新調查程序擴大至全港各區。
建議將濕度門檻降至25%
楊永杰又批評目前滲水辦處理樓宇滲水投訴嘅門檻過高，未達標嘅舉報個案，只能改搵公正行調查，指更經常搞到有地區個案與鄰居鬧上法庭，導致鄰舍關係破裂。故建議放寬濕度門檻至25%，以受理更多舉報個案，並設立樓宇滲水調解中心，化解住戶間不必要嘅糾紛，協助住戶之間達成有共識地解決方案，緩和鄰里關係。
楊永杰又批評目前滲水辦處理樓宇滲水投訴嘅門檻過高，故建議放寬濕度門檻至25%，以受理更多舉報個案。
text/Joyce
photo/HKET圖片庫
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
