新聞女王｜王敏奕搵命搏入真‧火坑嚇到個心離一離 官方低溫火場拍攝花絮曝光吃盡苦頭
TVB台慶劇《新聞女王》飾演熱血新丁的王敏奕昨晚（28日）一集贏盡關注，除了因為可愛清純四眼Look贏盡關注，她的「超現實」熱血及傻勁亦感動無數網民。而為一己私欲煽動，煽動劉艷入火海的Man姐，就被網民鬧爆：「Man姐推隻綿羊去死」、「點解打份工要搵命搏？」。TVB之後公開了低溫火場拍攝花絮，王敏奕搵命搏入「真‧火坑」，嚇到人個心都離一離！
王敏奕雖然只出場了三集，但每次出現不是撞板就是身陷危機，問到王敏奕如何看待這個Stupid角色，她笑言：「初初睇劇本有少少驚大家討厭佢成日闖禍，不過有人覺得佢激心、有人覺得佢可愛，咁先係有血有肉嘅人。」
王敏奕笑指自覺某些地方似劉艷：「最近有報道提返我當年衝去學演戲，我都係會為理想不顧一切咁衝嘅人！另一個似嘅地方係我哋都好有同理心，劉艷Stupid唔係佢真係蠢，而係佢冇咁多機心，永遠做咗心裏面把尺覺得啱嘅嘢先，有社會經驗嘅人可能會覺得咁樣係蠢。呢個角色最難演嘅，就係點樣令大家覺得佢唔蠢。」
王敏奕又大讚私下的阿佘認真又會照顧別人：「佘詩曼喺我哋開工前驚我哋緊張，約晒我哋出去食飯，等大家認識咗先，好感動，完全感受到佢對呢套劇嘅認真，所以自己都要好努力，唔想成為負累。」
另觀乎官方拍攝花絮，坤哥與敏奕為了拍攝火場內戲份可謂吃盡苦頭，除了要化成「黑面貓」，王敏奕更要在真火中來回奔走；總監製鍾澍佳受訪時指雖然現場用的是低溫火，但仍有一定熱度，難怪敏奕拍攝時不但熱到嘩嘩叫，更一度被真心嚇親露出真實「驚驚」反應。
監製說：「因為啲火都嚟得好突然，所以有幾吓敏奕係真係驚嘅，但佢話咁樣仲好，因為可以畀到真實反應觀眾。」佳導又謂拍攝現場做足安全、降溫及保暖等措施。而網民對於花了前後約七天拍攝的火災大場面，則留言表示認真及欣賞：「呢個外景真係拍得幾有誠意」。
新聞女王｜第七集金句
張家妍：
- 「我鄭重提醒你，我最憎人姐我嘅，呢度好多個阿姐，但只得一個張家妍」
- 「專業啲做好節目，定山頭主義自己揀。That’s your choice, not mine！」
Man姐：
- （對佐治）「我唔係你呀，好嘅嘢去到邊、做咩，都有佢嘅價值。」
- 「If your picture aren’t good enough, you are not close enough.」
- 「唔試過點知得唔得，一Say No，連得嘅機會都冇。」
陳子傑（譚俊彥飾）：
- 「呢個世界有因果，你係咁將個波省埋幅牆度，最後會省番自己。」
方太：
- 「有得揀至係老闆。但兩個選擇我開始嫌少，有三個就好喇。」
同場加映：【衝出嚟玩】最新影片
港生活人氣娛樂新聞
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
