羅密歐與祝英台｜陳茵媺九年冇拍劇重返幕前做打女 陳氏一家五口睇父母拍戲溫馨滿瀉
TVB台慶劇《羅密歐與祝英台》昨晚（16日）正式首播，九年沒有拍劇的女主角陳茵媺甫出場即霸氣十足，首集出場即大顯身手搶盡首眾眼球，尤其360度車上翻滾、以及開槍加單手制服敵人動作一氣呵成，令觀眾嘆為觀止。而昨晚，陳茵媺與陳豪就孖仔女齊睇首播，畫面勁溫馨！
九年沒有拍劇的女主角陳茵媺甫出場即霸氣十足，面對敵人眼神凌厲、要使詐時絕不遲疑，面對疼愛的表妹茱麗葉（游嘉欣飾）時又嚴厲溺愛兼而有之，演繹用心，網民對於闊別多時於公仔箱再見陳茵媺亦大感振奮。
另外，陳茵媺的動作場口更是令人眼前一亮，除了一氣呵成完成連串高難度動作，既有流暢自如的花式轉槍，還有邊向左右兩邊跑邊連環開槍、翻身跳上車作360度翻滾、向後方大腳趷起踢跌敵人，以及單手制服敵人兼將對方拋至半空再緊接向前方開槍的場口，精彩絕倫。
對於陳茵媺榮升打女，網民大讚有型之餘，更直指看至心跳加速。向來在大眾心目中是模範幸福家庭的陳氏一家五口，昨晚更齊齊坐在電視機前看首播，陳豪更負責拍片紀錄過程，溫馨滿瀉。
談到相關場口，陳茵媺坦言全靠事前做足準備及訓練，拍攝時才事半功倍：「主要花咗好多時間練習滾地、接槍同轉槍，每日都要拎番屋企練，一有時間就要轉，因為拍攝時間好Rush，萬一整跌咗支槍（要NG）就死喇。仲有踢腿都唔係一時間就踢得咁高，要一個星期練幾次，之後拉吓拉吓就會踢得愈嚟愈高。」
陳茵媺續指在鏡頭前長期「充滿力量」絕對是難度所在：「就算已經拍咗幾次、覺得攰喇，都要keep住好有殺氣同energy。」昨晚楊證樺及游嘉欣的轉槍動作亦是焦點所在，楊證樺除了難得在鏡頭前展現型格及敏捷一面，其搞怪造型、聲線及癲狂行為亦令人留下深刻印象。
同場加映：【香港周圍遊】最新影片
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
