神棍大師與朋友合謀設局 事主被騙16萬做法事 若果無錢 法科師傅建議可以點解決？
有時生活上遇到接二連三嘅阻滯及不如意事，好多人會嘗試「搵師傅」做吓法事解決，但萬一唔好彩遇上個呃錢嘅神棍，其實就會令人生更加雪上加霜……今次《東張西望》介紹嘅事主黃小姐，兒女久病未癒，錯信朋友走去搵一個「天眼師傅」，結果一再借錢做法事，泥足深陷……其實若果經濟能力唔好， 係咪都要借錢做法事？不妨睇吓法科師傅嘅意見。
===========
同場加映：
【家居達人】專家教颱風來襲6大必知 必學 DIY驗窗法+強制驗窗點搵師傅？1招預防窗戶意外
============
黄小姐老公施家暴，社工建議暫時搬咗出嚟住，但兩個小朋友由去年9月起一直有病，睇勻中、西醫都無效，令黃小姐極擔心，呢個時候，一位相識多年嘅朋友就話黃小姐嘅小朋友，會唔會係撞邪？！於是建議帶黃小姐去見「天眼師傅」，點知師傅一睇就話事主已經畀人落咗降！小朋友更加已被奪舍！師傅要幫佢拍返小朋友個魂出嚟，「執返好個小朋友」，但就開價$144,444元做法事，可以分期付款，黃小姐喺朋友遊說下，就先畀咗$60,000開始做法事。法事過程中，師傅掃小朋友背脊，又畀咗兩條手繩叫小朋友及黃小姐戴，話可以保平安，但有幾條規條要謹守，包括唔可以食含有龜板嘅食物，更重要係唔可以對外同人講，及唔可以質疑法事，否則就要重新畀錢再做過法事！
黄小姐（左）兩個小朋友由去年9月起一直有病，睇勻中、西醫都無效，令黃小姐極擔心，於是聽從朋友意見去搵「天眼師傅」。
法事後，師傅畀咗兩條手繩叫小朋友及黃小姐戴，話可以保平安，但整件事唔可以話畀外人知，否則就要重新畀錢再做過法事！
但師傅掠水招數陸續有嚟，例如小朋友畫咗幅畫，師傅一睇就話係「佢身體入面嘅嘢要同佢一分為二」，幅畫入面有好多隻眼等，相當嚇人，仲話「嗰邊」加緊料搞黃小姐嘅女兒，故必須要盡快做另一項法事，加上朋友畀嘅壓力，黄小姐決定再周圍問朋友借錢。但點知做完法事，師傅話佢問人借錢，即係已經話咗件事畀人知，破咗戒，要再畀$97,777再做另一場法事……師傅加朋友係咁叫黃小姐周圍向朋友借錢，結果黃小姐前前後後已經畀咗約十六萬，有一半係問朋友借……另一方面，師傅跟住又遊說黃小姐參加類似倫敦金騙局嘅「搵錢機會」；而且黃小姐亦發現原來師傅所畀嘅法寶平安手繩，其實可以喺網上買到，只要4 蚊人民幣。
師傳睇完呢幅女兒畫嘅畫，竟然話「嗰邊」加緊料搞黃小姐嘅女兒，故必須要盡快做另一項法事。
節目組打電話搵天眼師傅、助手及黃小姐嘅朋友作回應，但全部無覆……節目組亦去到屯門，黃小姐做法事嘅場地，但外面嘅招牌竟然係寫住「裝修設計顧問公司」，大閘已關兼門外放置咗大堆雜物，似有一段長時間無人上門。
節目組去過屯門黃小姐做法事嘅場地，但外面嘅招牌竟然係寫住「裝修設計顧問公司」，似有一段長時間無人上門。
法科師傅有唔少門派，法事有好多種，泰國法科師傅阿Call表示其實唔應該叫經濟能力有困難嘅客人借錢做法事，客人是否要做法事，係有選擇權，如果事主無足夠經濟能力嘅話，其實可以嘗試其他方法，
例如可以改做功德，都可以當作心靈輔導去幫助事主。
泰國法科師傅阿Call表示唔應該叫經濟能力有困難嘅客人借錢做法事，例如可以改做功德，都可以幫到事主。
text/Joyce
photo/節目截圖
港生活人氣本地熱話
【免費送Rollink旅遊系列✈️🌍】
↓ 帶走人氣摺疊旅行喼 x Mini Bag！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
