網民熱議：變頻式冷氣機好唔好用？ 電費可以慳一半？但客易壞維修又貴？
夏天好快就到，有唔少人可能會打算更換屋企嘅冷氣機，若選購變頻式冷氣機又會唔會比起傳統定頻式冷氣機更好呢？最近有網民於Facebook上一個家居群組發文求助，問變頻式冷氣機好唔好用，因而就引來一眾網民熱烈討論到底變頻式抑或定頻式嘅冷氣機會較好！
============
同場加映：
【家居達人】家用風扇清潔、保養小貼士 風扇唔涼點算好？長開過夜易啲壞？
============
電費可平一半？會長時間開冷氣先抵？
網民於Facebook「家居維修交流平台」發帖問變頻式冷氣機好唔好用：「想請教，大家有冇用變頻冷氣機？好唔好？謝謝！」，對於變頻式冷氣機好唔好用呢個問題，網民們都各有睇法，有網民就認為使用變頻式冷氣機可以節省到唔少嘅電費：「我有用，電費真係平，溫度平均」、「電費平一半，當你原先一個月一千，依家500，開8個月平4000，兩年都夠買個(過)部新，用到5年就賺突」、「用5年慳到既(嘅)電費夠買部新機」
不過亦有網民指於更換變頻式冷氣機後電費並冇改變：「上年買咗珍寶變頻冷氣(機)，電費無變」，而另有網民則指變頻式冷氣機雖更慳電，但機價會比起定頻式冷氣機更貴，需要長時間使用先至抵：「變頻機長期開慳電好多，但如果天熱每日開得幾個鐘唔知幾耐先慳到部機嘅差價出黎(嚟)。自已要計數」
有網民表示使用變頻式冷氣機比起定頻式冷氣機可以節省足足一半的電費。
有網民則指變頻式冷氣機雖可節省電費，但價錢會較貴，需要用戶長時間使用才會化算。
要揀R32雪種？要買大半匹？
而有網民就指變頻式冷氣機好用，但於選購變頻式冷氣機時，應選特定一款嘅雪種以及較大嘅匹數才會較為合適：「好。不過要買用R32雪種嗰款」、「變頻要買大半匹先夠凍，勝在慳電」、「變頻有左(咗)好耐喎，慳電好多咯，不過真心要買大半匹，如果唔怕電費貴，直頻系(係)會凍D(啲)」
有網民建議選購變頻式冷氣機時應選擇採用R32雪種的冷氣機款式以及預計所需匹數時應買較大半匹。
變頻式會唔夠凍？容易壞維修又貴？
不過有網民就指出使用變頻式冷氣機會有唔夠凍或令氣溫變涼需時耐嘅問題：「唔好，好耐先凍得起，可惜依家市面9成都係變頻機」、「變頻會叻唔切、自動停冷」、「慳電，但唔夠凍」，更有網民指變頻式冷氣機雖然較慳電，但卻有價錢貴、容易壞以及維修費高昂等問題，為慳電而選購變頻式冷氣機有可能會得不償失：「較容易壞，機價對比定頻貴多，維修費高」、「變頻慳電但唔襟用，平時慳返嘅電(費)錢用嚟換部新機」、「唔損壞就好好！若是變頻版損壞，人工加埋零件貴過所慳的電費 ，會補唔返！所以變頻機一定要買靚機」
網民指變頻式冷氣機有著不夠涼快、價錢較貴、容易損壞以及維修費用高昂等等的問題。
消委會：變頻式冷氣機更慳電、選購時應注意4點！
消委會於今年4月發佈了對13款「一匹半」窗口式冷氣機測試的結果，測試結果發現變頻式冷氣機比起定頻式冷氣機更慳電，用電以平均計算可節省27%。而消委會早年亦為市民提供了選購變頻式冷氣機的4大貼士：
1. 安裝位置有否足夠空間
消委會指由於變頻式窗口機或會比起製冷量相近的定頻式窗口機較大及較重，若打算安裝變頻式窗口機，應先確保安裝位置有足夠的空間。
2. 變頻式分體機比窗口機有更高能源效益
消委會比較以住的測試發現，變頻式分體冷氣機會比起變頻式窗口冷氣機有著更好的能源效率表現。
3. 注意冷氣機聲稱的製冷量有否誇大
消委會表示當冷氣機的製冷量不能滿足空間所需的製冷量時，冷氣機便需要以高速長期運轉，並導致其變頻技術不能達到高能效的效果，因需注意冷氣機實質的製冷量是否符合其所聲稱的。
4. 冷氣機送風量愈大愈好
消委會指出送風量大的冷氣機能令室內空氣更為流通，並可令室溫以更快速度達至均勻及理想溫度，從而令用家感覺較為涼快。另外有著較闊的風速調校範圍以及於高、低風速檔有著愈大的送風量差別的冷氣機亦會較好。
消委會指變頻式冷氣機比起定頻式冷氣機更能節省用電，以平均計算可節省27%電力。
消委會建議選購變頻式冷氣機時應注意安裝位置有否足夠空間、變頻式分體冷氣機會有更高的能源效益、冷氣機所表示的製冷量是否符合實質表現以及有愈大送風量的冷氣機會愈好這幾點。
text/Jonathan
photo/HKET圖片庫
港生活人氣本地熱話
【樂迷注意🎧】《社群》請您免費聽歌三個月！
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
