香港義租婚紗店大呻常被「搲著數」！準新人8個庹縮行為超奇葩 令店主「兜口兜面大鬧」
近年香港興起「婚紗義租」服務，主要幫助有經濟困難的準新人，沒想到卻有不少有錢庹縮的準新人，竟然為慳錢申請義租服務！最近有提供義租服務的婚紗店在網上發文，指有許多高收入/專業人士想申請義租服務，想找人贊助人結婚充「大頭鬼」，相關帖文在網上掀起熱論，即入內文睇詳情啦！
婚紗禮服公司「慧子婚紗Mrs. Tse Bridal」，一直以來為社會上有困難的新人提供義租服務，不過沒想到這項服務卻引來不少有錢卻庹縮的準新人查詢，店長表示，「我唔介意幫助有困難人士或啲慳家細搞嘅人，但我真心鄙視啲有錢大搞，然後冇錢租衫要義租嘅人」。
「慧子婚紗Mrs. Tse Bridal」最近於Facebook專頁發帖，表示店內的義租物資大部份均為各位善心人士所捐贈，原意是幫助經濟困難準新人渡過難關，而不是贊助人結婚充「大頭鬼」，因此義租不接受完美主義者及吹毛求疵客人，其後更直指「高收入/專業人士純貪心庹縮喺度浪費資源，呢啲人我通常兜口兜面鬧到上天花板，又唔係冇錢，都唔知點解啲人咁樣。」
除了有高收入/專業人士，原來店長不時也會收到奇葩疑問的查詢，「有啲人依然唔要面唔怕面懵繼續R，咁就開心share分享囉」，日前店主更在Facebook專頁「慧子婚紗Mrs. Tse Bridal」中發帖，細數有錢卻庹縮的準新人查詢，內容如下：
1）想問有冇頭褂褂皇同褂后可免費義租？我奶奶比較要求高，你知啦我哋要大搞但唔想出錢。店主：呢度冇呀，你逐間拍門問吓啦！
2）我想問免費延期得唔得？因為我由元朗行路過嚟屯門需要啲時間，需要多啲時間。
店主：哦，冇問題，咁我搵隻牛屯門過嚟送貨，隻牛未必識睇地圖可能搵路都需要啲時間，如延期送達都係免費。
3）我想問我係學生，結婚化妝美甲是否可免費？
店主：學校有教過，買嘢就要俾錢，唔好食霸王餐啦同學。
4）（指着一件全新未剪牌新貨純香檳金色嘅晚裝）你呢件婚紗咁黃，義租我諗我都唔啱。
店主：要唔要配副老花眼鏡呀？睇嘢清啲過癮啲喎！
5）一名婦產科護士問：「請問邊啲係人哋捐贈？我只想要啲免費送贈嗰啲。想環保啲同埋只着兩個鐘註冊唔想浪費。」
店主：你何必同有需要人士爭呢？
6）想問到時係咪一定要俾利是工作人員㗎？因為我就咁入帖每封都$10利是，仲未計餅卡，如果仲要俾利是工作人員會好傷。但係我問咗好多間，嗰個聽到之後都唔想接我單，所以都想搵一間係可以唔俾利是嘅。
店主：咁又的確冇成文規定嘅，又冇人打劫你利是，唔想俾咪唔俾囉。
7）想問義租上幾手分別咩星座同生肖？雖然義租但奶奶話驚相沖，要問清楚。
店主：哦，生肖分別有鼠、牛、虎、兔、龍、蛇、馬、羊、猴、雞、狗、豬。星座分別有白羊、金牛、雙子、巨蟹、獅子、處女、天秤、天蠍、人馬、摩羯、水瓶、雙魚。
8）（同上類似）想問你哋分別咩星座同生肖？我水瓶座驚相沖，可唔可以盡量唔好安排天蠍同金牛俾我。
店主：你好呀， 呢度老闆係天蠍座。
帖文一出隨即在網上掀起熱論，店主的高EQ回應獲不少網民大讚，並表示「實在無法理解有經濟能力既人結婚都要r著數」、「一知道有免費，啲人要幾無恥有幾無恥」、「其實結婚著便服去「緍姻註冊處」簽個字咪仲慳 做乜搞咁多嘢」、「無錢唔好結婚呀嘛」、「借人嘢仲嫌三嫌四，咁把炮就使十幾萬度身訂造」。
來源：FB@慧子婚紗Mrs. Tse Bridal、TVB劇集截圖@愛回家之開心速遞、HKET
►同場加映：【著數慳家王】柴灣名物$35超巨型魚柳包！每日兩點前賣清光 $29足料雞扒包
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
