2022日本網民熱話10大精明家品 可加熱食物袋 超慳位直立式電視架
我哋公認日本主婦好有家務智慧，再精明地配合家品，令原本麻煩家務，輕輕鬆鬆就搞掂！日本家事youtuber「samia片付け収納チャンネル」，就選出10件喺2022年獲得最多網民談論、好幫得手嘅家品，真係要參考吓呀！
熱話家品1：超吸水快乾Georg Jensen Damask廚房濾水布（日本網站參考售價約1,900日圓）
使用100%埃及棉、質地超好嘅Georg Jensen Damask廚房布。
去年成為日本網絡上超熱話嘅廚房產品，原來係丹麥品牌Georg Jensen Damask多用途純棉廚房濾水布，日本主婦認為呢款廚房布，吸水力強透氣性好，而且攤開面積有50x80cm，洗完嘅餐具放喺上面風乾，十分好用，而且用完後機洗手洗都可以，又十分快乾，成為日本主婦界必備商品。
日本主婦認為洗完餐具後，將濕漉漉嘅碗碟放响吸水力強嘅Georg Jensen Damask廚房布上風乾，十分好用。
用完後機洗手洗都可以，又十分快乾，亦係箇中被力捧嘅原因。
熱話家品2：保存食物必備 岩谷食物袋（日本網站參考售價約128日圓60個）
呢個三角形包裝盒，令食物袋容易攞出嚟，亦係「アイラップ」一大賣點。
日本主婦們亦十分推介由岩谷マテリアル公司推出嘅食物保存袋「アイラップ」，呢款食物袋通過日本食物分析中心嘅合格認證，而且燃燒時唔會放出有毒氣體，可以安心使用之餘，另一大優點，係呢款食物袋嘅耐熱程度去到120度，可以盛着食物放入微波爐及熱水中加熱，防水性亦高，所以日本主婦會喺空閒時將食物醃好及切好，用呢款食物袋一份一份裝好，烹調時更方便省時。
主婦們會將預先將食物切好及醃好，分開每次食用份量，放入食物袋存放。
食物袋保存食物水份能力相當好。
可以以一個入得微波爐嘅容器，整個食物袋直接放入微波爐。
食物袋嘅耐熱程度去到120度，可以盛着食物放入熱水中加熱。
熱話家品3：Nitori日用完即棄清潔海綿 售價299日圓
一包30塊，預計一個月每日用完即棄嘅清潔海綿。
比起一般清潔海綿薄身。
日本主婦實試過，吸水性強質地好，意外地好用。
熱話家品 4：易分類漫畫、DVD收納盒（商品名：イノマタ化学メディアコンテナ452，日本網站參考售價約1,000日圓）
如果閣下收藏漫畫及DVD，呢款收納盒為你而設。
盒內附有分隔用嘅膠板，既可以方便將漫畫或DVD分類，放唔滿時亦唔會咁易跌低，擺放更整齊。
將收納盒叠高，可以放喺櫃底或床底，而且盒旁邊有把手，方便拿取，盒頂有透明部分，容易辨認入面收藏嘅物品。
熱話家品5：超好用MQ・Duotex premium拖把套裝（日本網站參考售價約13,200日圓）
日本主婦認為清潔家居必備嘅MQ・Duotex premium拖把套裝
拖把嘅抹布，使用體積係頭髮1/120咁細嘅Ultra-Micro Fiber所製，可以清潔97.7%嘅花粉、99.5%細菌。
主婦們用家心得，話比起坊間其他拖把產品，拖把能靈活轉動方向之餘又不易反轉，相當好用。
除了清潔地板，清潔天花、牆身及窗戶亦十分方便。
熱話家品 6：長期人氣 Nitori抗菌抹布連專用case（售價：抹布299日圓，專用case 799 日圓）
呢款用完即棄抹布，係Nitori長期人氣商品。
主婦們認為吸水除污力強，用完即棄夠方便。
亦因為商品受歡迎，於是再推出呢款專用case，附有磁石，可以附在雪櫃或牆上，慳位方便。
打直放喺工作枱面上亦得。
熱話家品 7：細浴室啱用 平安伸鋼工業 伸縮棒及掛架（售價： 伸縮棒6,270日圓，掛架5,610日圓）
浴室空間狹窄，唔夠位放置雜物，日本主婦推介先在牆身加伸縮棒。
再加上呢款掛架
做法簡便，唔需要鑽牆，租屋住都啱用，而且可以根據個人需要再加掛架。
推介家品 8：存放蔬菜最佳 3 Coins附濾隔食物保存盒（售價：550日圓）
日本主婦認為呢款食物盒，最適宜存放蔬菜。
食物盒附有濾隔，方便洗菜後瀝乾水份。
然後就可以直接放入雪櫃存放。
推介家品 9：啱飾物文具 無印6 層高小物儲存盒（售價：2,990日圓）
呢款無印良品6層高小物儲存盒，日本人認為大小剛好適合放口罩，而家雖然可以同口罩講bye bye，但用來放文具及飾物亦相當好用。
推介家品 10：慳位電視架 EQUALS 自立型Stand 變（日本網站參考售價約16,500日圓）
室內空間狹小，日本人推介呢款EQUALS 自立型Stand可以代替電視櫃，十分慳位。
最麻煩礙眼嘅電線，可以參考呢個方法，收埋喺電視背後，非常企理。
仲可以喺架上加上配件，放置遊戲機等雜物，因為唔使佔用地面，連拖地都好方便。
text/Joyce
========
同場加映：
【家居達人】記者實測！9款坊間去膠漬產品 酒精、護手霜、白電油 邊樣最有效？
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
