日本網民推介善用蝸居鬼祟位收納5大貼士 馬桶後面加置物架 衣櫃內自製掛帽架
香港住宅面積細，但我哋永遠有大量雜物，唔夠位放！點樣可以善用屋企每個「鬼祟」角落收納，既放得落大量嘢，又要睇起上嚟整齊企理唔亂……呢個時候，就要參考吓日本youtube頻道「Life Style Journal」推介嘅5個收納貼士，教你點樣用日本廉價雜貨店如Daiso等嘅收納小物幫手，簡單易用，仲要租屋住嘅朋友都啱用呀！
貼士1.衣櫃內用伸縮棒增加位置放帽及領呔
如果闊下鍾意買帽，又唔知可以點擺放，可以考慮在衣櫃最入嘅地方，加枝伸縮棒及活動掛鈎，就可以企理地放到好多帽。
如果仲放唔晒，其實連衣櫃兩邊都可以加伸縮棒。
有啲衣櫃嘅設計，旁邊仲可以有位置，可以加到上下兩枝伸縮棒。
如果係多領呔嘅話，可以考慮用上下兩枝伸縮棒，好整齊咁掛好領呔。
伸縮棒原來仲有「估你唔到」嘅用途：如果你嘅衣櫃長期爆滿，關埋衣櫃門時會夾住衫嘅話……
在近衣櫃門兩邊加枝伸縮棒，就可以解決呢個間題！
貼士2：柱位死角位用伸縮棒自製儲物位
如果屋企有啲類似嘅牆身凹位，都可以用伸縮棒，上面加膠板，下面加掛鈎，變成另一個小儲物空間，呢個係日本單位嘅玄關位。
呢個就係廚房雪櫃旁邊牆身嘅凹位，可以掛到清潔劑。
有無諗過連廁所馬桶後面嘅鬼祟位，都可以加伸縮棒變置物架？！
咁樣都可以放到清潔用品㗎！
貼士3：廁所洗手盆下櫃門內部加掛鈎
至於廁所洗手盆下櫃，除咗入面空間，其實櫃門內側都好好用。
建議大家可以買類似嘅毛巾架，再加掛鈎。
最適合用嚟放各式清潔掃。
注意：但要記得度清楚櫃門上方嘅隙縫位，至少要有2mm，要同毛巾架掛架位嘅厚度配合，否則會關唔到櫃門。
貼士4：善用黏貼掛鈎 任何地方都可以置物
版主推介這種D型黏貼掛鉤，認為使用變化度夠大。
連櫃底位置，都可以掛如隔熱手套等小物。
日本人經常會用這種掛鈎貼在大門上放置長雨傘。
有無諗過馬桶水箱旁邊加上黏貼掛鈎，可以擺放清潔劑呢？
對於擺放牙膏（或牙膏狀調味料等），版主推介這款Seria有售嘅掛架。
最大優點，係扭動上面的迴捲位，可以唧牙膏唧得更盡。
注意：常用的S 形掛鈎容易掛唔穩，其實只要加條橡根，即刻搞掂！
貼士5：雪櫃內自製雙層置物空間
大家在辦公室枱面都會常用的置物架，其實放喺屋企，一樣可以自製雙層置物空間，不過家品的重量會比文具重，所以購買時要留意置物架嘅負重量。
版主建議大家可以放在較深嘅雪櫃冷藏庫，自製雙層置物空間。
另一個版主推介嘅雪櫃置物小物，係呢款Daiso有售嘅雪櫃收納tray。
只需夾在雪櫃層板上，最適合放置如糖果及芝士等體積細嘅零食。
text/Joyce
========
同場加映：
【蝸居睇樓團】家宅易有火災 關風水事定命格問題？龍師傅話你知！ 火燒旺地係咪真？照片亂擺易影響家庭和睦！
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
