「黑廁」經常有蚊滋出現可以點解決？家務清潔導師：淨係抽濕唔夠，要定期沖洗排水口！
屋企廁所可能係全屋最難保持衛生清潔嘅地方，若當發現廁所淪為蚊滋嘅溫床又可以點做呢？最近就有網民喺連登討論區上求助，問可以點解決屋企「黑廁」長期有蚊滋嘅問題，就引來一眾網民嘅熱烈回應，我們亦找來家務清潔導師教大家應該點保持廁所嘅衛生！
有蚊滋全因有積水同隔氣唔乾淨？就算係「明廁」都同樣會有？
樓主表示自己屋企嘅廁所係「黑廁」，即冇窗嘅廁所，而就算長期使用浴室寶都有蚊仔滋生，就問到究竟可以點解決呢個問題：「屋企黑厠(廁)成日有蚊仔，可以點解決，已經長開浴室寶」，對於廁所出現蚊滋嘅情況，有網民就推斷有機會係廁所有積水或冇清潔去水喉嘅隔氣所致：「隔氣冇清，廁所積水，是但一樣，由(尤)其洗手盤隔氣，積左(咗)頭髮就好易卡住口水啖(痰)果(嗰)d(啲)，蚊仔就會一堆堆圍住生仔」，亦有網民指廁所有蚊滋並唔關廁所有冇窗戶嘅事：「唔關黑唔黑廁事，污水喉養蟲」、「明廁一樣會有，捉哂都可以再飛入嚟」
有網民指廁所有積水以及去水喉隔氣不潔淨都為廁所有蚊蟲滋生的原因。
有網民則指「黑廁」及「明廁」都同樣可能會出現蚊蟲滋生的問題。
應保持廁所乾爽？係衛生問題唔關濕度事？
有網民就指有蚊滋係因為廁所濕氣太重，所以應用保持乾爽及通風：「搵嘢塞住啲窿窿(去水位)，然後長開抽濕機」、「平時開門通風，扭乾毛巾，沖涼唔好開太熱，沖完開一陣浴室寶做熱空氣循環，乾爽d(啲)就無」，而有網民就提醒若廁所長時間抽氣需要將廁所門打開，否則反而會引來蚊蟲以及臭味：「黑廁抽濕係基本，但長開抽氣一定要開門，否則好快抽乾水渠，蟲同臭味都倒頭入屋」，不過有網民就認為有蚊出現主要為廁所衛生問題所致而並非濕度：「係你廁所個環境引佢飛入嚟，如果係明廁你仲大鑊，勤(力)d(啲)清潔坐廁啦，呢d(啲)蟲仔主要係衛生問題，唔係濕度問題」
有網民指應於廁所長開抽濕機及開門保持通風，以防止廁所有蚊滋生。
有網民提醒若廁所長時間抽氣需將門打開，否則會令水渠的水被抽乾，從而引來蚊蟲及臭味。
有網民則認為廁所有蚊蟲主要與衛生問題有關，而並非濕度問題，建議需勤力清潔坐廁。
用漂白水／酒精／熱水／通渠水清潔廁所同水渠位？
有部份網民就指有蚊出現係因廁所水渠位不潔所致，建議可定期用熱水、漂白水及通渠水清潔水渠位：「每星期倒滾水落渠位，呢啲多數喺渠位/去水位吽出嚟」、「以前屋企廁所都有，清潔廁所同不時倒下(吓)稀釋漂白水就冇哂」、「我之前屋企都有，係洗手盤度牛(吽)出嚟傢(㗎)，搵啲通渠水通下(吓)佢就會無左(咗)」，亦有網民指可於有蚊滋嘅位置嘖上酒精：「之前我用酒精噴過佢地(哋)聚集嘅地方，之後就冇再見過」
網民指可定期於廁所水渠口倒入熱水、漂白水及通渠水等，以防上有蚊滋生。
於蚊滋聚集的地方嘖上酒精，亦是網民建議能解決廁所蚊患問題的方法。
家務清潔導師：應定期以漂白水／梳打粉+白醋／熱水沖洗排水口
家務清潔導師Miss Cheung指，使用浴室寶只能減少廁所內嘅濕氣，並不能減少蚊蟲滋生，由於蚊滋會於排水口棲生，建議應定期用漂白水／梳打粉加白醋／熱水沖洗廁所排水口，並同時於排水口加裝防蟲蓋以減少蚊蟲滋生，另亦應保持廁所乾爽通風。
家務清潔導師Miss Cheung建議可定期用漂白水／梳打粉及白醋／熱水沖洗廁所排水口以減少蚊蟲滋生。
text/Jonathan
photo/HKET圖片庫
========
同場加映：
【家居達人】記者實測！9款坊間去膠漬產品 酒精、護手霜、白電油 邊樣最有效？
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
