港女疑搭霸王的 誣蔑司機非禮 警察到即扮哭：我每月搭幾萬蚊的士
近日，有位的士司機於Facebook發帖並上載了車cam片段指自己遇到一名野蠻客，影片中看到該女乘客到達目的地後稱自己沒帶錢要回家取，司機則擔心對方想搭「霸王車」從而引起爭執，雙方僵持不下，唯有報警處理。事件最後得以解決，但影片的最後可見女乘客對司機惡言相向，因此司機發帖提醒一眾行家小心此人。
近日，有名的士司機於Facebook專頁「的士司機資訊網 Taxi」發帖及上載了2段長達近7分鐘的車cam片段指自己遇上一位疑似想搭「霸王車」的女乘客，呼籲各位行家小心。根據車cam片段，司機到達目的地後，女乘客稱自己身上沒錢，需要回家取錢方能付款，司機聞後憂對方會「走數」，因而怒斥對方指「大家講道理㗎嘛，啱唔啱呀？你去玩求開心，我做生意㗎，咁我冇錢收咁點呀？」、「咁你冇錢畀我話返上屋企喎，咁如果個個客咁樣，咁我唔使做啦，返咗屋企我邊度搵你呀？」，司機更一度稱要報警處理。女乘客則一臉淡然回應「唔好玩啦，好冇呀？」，又叫司機「慢慢等囉」，擺出一副毫不在乎的樣子，於是司機便憤怒回應「我無玩你過你呀，你自己清醒回吓帶，睇吓你自己做過啲咩先啦」，司機更疑遭到女乘客的要挾而回應「又話我非禮，又話我強姦你，又脅持，咁樣叫我玩你」。就此事件，司機於帖文批評女乘客「你每月搭一千萬的士關我鬼事咩，E（而）家搭車你就係要比（畀）錢啦」、「講嘢語無倫次，到尾咪一樣要找，你走得甩咩」。
►同場加映：【衝出嚟玩】LuLu豬化身快餐店實習生登陸北角滾軸溜冰場！聯乘潮玩品牌+CASETiFY推出多款限定週邊
從其他的影片中可見警察到場後女乘客立刻變面，啜泣稱「我好多錢㗎」，指自己沒可能會「走數」，更以哭腔向警方道「我每一日都call車㗎，成個的士台都知我係邊個，你可以check任何一個的士台，我每一個月係搭1萬蚊的士㗎」，更指自己只是今日遇上這個「瘟神」司機，才有如斯結果。女警隨後安慰她指「香港好多的士司機，佢唔認識你亦都好正常，啱唔啱？佢亦都唔會查每一個乘客係咪坐萬幾蚊的士嘅，明唔明？」，開導過後便提醒她支付車資，但女乘客居然表示不滿指「仲要畀佢呀？」，讓人費解。事件的最後，女乘客的父親代其付款，她離開時再次變面，以粗口咒駡司機指「X街，你轉頭撞車死呀」，態度真的使人震驚！
帖文一出，不少網民紛紛留言道「變面變得好快！」、「呢個女人真係識做戲啦」、「視后上身，個樣變得幾快 以為警察來到唔洗俾錢」，認為女乘客對著司機的態度極度惡劣，在警察面前則裝作可憐。亦有多名網民對於其每月的交通洗費感到咋舌，更質疑她這麽富裕就該請私人司機，根本不需要搭的士。此外，更有眾多網民批評指女乘客沒有佩戴口罩，應該被罰款才對，他們不解指「刁民可以唔比錢又唔帶口罩？」、「點解唔戴口罩唔即時捉？」，覺得這位「演戲天后」才最應該遭到處罰。
圖/資料來源：FB@的士司機資訊網 Taxi
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
