【新年2019】深水埗新年熟食墟市年三十晚開鑼 即炸蠔餅/厚燒玉子/串燒/芋圓
農曆新年期間，食完團年飯後與家人朋友都會行下花市年宵，當然不少得落區掃街食宵夜啦！連續三年舉辦的深水埗熟食墟市今年再度回歸，比往年延長多一天，由年三十晚至農曆初二(2月4日至6日)一連三晚在深水埗保安道遊樂場舉行。設有38個熟食檔位售賣多達90多款美食，有即炸蠔餅、串燒、芋圓等。另外，舉辦單位希望大家支持環保，鼓勵自備餐盒及餐具，現場亦有租借環保餐具服務，減少使用即棄餐具。
深水埗熟食墟市今日開鑼啦！於年三十晚至農曆初二(2月4日至6日)，一連三晚在深水埗保安道遊樂場舉行。
No. 1A 炸蠔餅 ($50)，蠔餅份量頗多，而且口感酥脆香口，但等候需時。
No. 17 蟹籽厚燒玉子($20)，口感軟熟，蛋香十足，配料另可選擇櫻花蝦。
No. 17 流心芒果豆腐布甸($25)，以豆腐製作味道清新，配酸甜的芒果流心，十分開胃。
No. 20 煎牛脷($35)，牛脷口感軟腍，香料的香氣四溢，相當惹味！
No. 22 串燒($15/一串)，即叫即燒，醬汁香口。
No. 23 黑糖桃膠冰粉＋海蜇黃金皮蛋($40)，黑糖冰粉冰涼解熱，口感爽滑，加上桃膠十分養顏。
海蜇鮮脆爽口，金黃的溏心皮蛋彈牙。
No. 28 豬頭餅($18)由窩夫及棉花糖製成，造型可愛！
舉辦單位希望大家支持環保，鼓勵自備餐盒及餐具，現場亦有租借環保餐具服務，減少使用即棄餐具。
租借環保餐具($50按金)
想睇睇仲有咩其他美食，可參考大會宣傳海報。
活動資訊
- 日期2019年2月4日 - 2019年2月6日
- 地址 九龍深水埗保安道遊樂場
- 人均消費$50或以下
- 開放時間年三十4:00pm-12:00am；大年初一及年初二4:00pm-11:00pm
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
